ရီးယဲလ်အသင်းသည် ဘရာဇီးလ်တောင်ပံကစားသမား ရိုဒရီဂိုကို ၂၀၂၈ ခုနှစ်အထိ သက်တမ်းတိုးစာချုပ် ချုပ်ဆိုလိုက်ကြောင်း သိရသည်။
ရိုဒရီဂို(၂၁ နှစ်)သည် ၂၀၁၉ ခုနှစ်က ဆန်းတို့စ်အသင်းမှ ရီးယဲလ်အသင်းသို့ ယူရိုသန်း (၄၀)ဝန်းကျင်ဖြင့် ရောက်ရှိခဲ့သူဖြစ်ပြီး ၂၀၂၅ ခုနှစ်အထိ စာချုပ်ချုပ်ဆိုထားသူဖြစ်သည်။
ရီးယဲလ်အသင်းက ၎င်းင်းကို အရန်အသင်းတွင် နေရာပေးပြီးမှ အသင်းကြီးထံ ခေါ်ယူခဲ့ ခြင်းဖြစ်ပြီး ရီးယဲလ်အသင်း၏ ပြီးခဲ့သည့်ရာသီ ချန်ပီယံလိဂ် အောင်မြင်မှုတွင် ၎င်း၏စွမ်းဆောင်ရည်မှာ အရေးပါခဲ့သည်။
ထို့ကြောင့် ရီးယဲလ်အသင်းတာဝန်ရှိသူများက သက်တမ်းတိုးစာချုပ် ချုပ်ဆိုရန် စီစဉ်ခဲ့ခြင်းဖြစ်ကြောင်း သိရသည်။ စာချုပ်သစ်အရ ရ်ိုဒရီဂိုသည် ရီးယဲလ်အသင်းတွင် ပိုမိုမြင့်မားသည့်လစာ ရရှိသွားမည်ဖြစ်သလို၊ လျော်ကြေးစာချုပ်၏ တန်ဖိုးမှာလည်း ယူရို(၁)ဘီလီယံအထိ မြင့်တက်သွားမည်ဖြစ်ကြောင်း Marca က သုံးသပ်ဖော်ပြခဲ့သည်။
