မက်ဆီ၏ အစ်ကိုဖြစ်သူ မားတီးယပ်စ်သည် ဘာစီလိုနာအသင်းနှင့် ဥက္ကဋ္ဌ လာပေါ်တာကို တိုက်ခိုက်ပြောဆိုခဲ့ခြင်းအတွက် ပြန်လည်တောင်းပန်ခဲ့ကြောင်း သိရသည်။
၎င်းက ဘာစီလိုနာအသင်းသည် မက်ဆီကြောင့် ပိုမိုအောင်မြင်ကျော်ကြားလာခြင်းဖြစ်ကြောင်း ပြောကြားခဲ့ခြင်းဖြစ်သည်။
ယခုအခါ ၎င်းက “လူမှုကွန်ရက်မှာ ကျွန်တော် ပြောခဲ့တာတွေအတွက် တောင်းပန်ချင်ပါတယ်။ အဲဒါက ကျွန်တော့်သားနဲ့ ကျွန်တော့်မိတ်ဆွေတွေကို ဟာသသဘောပြောခဲ့မိတာပါ။ ကျွန်တော် အရမ်းစိတ်မကောင်းဖြစ်ရပါတယ်။ အထူးသဖြင့် ဘာစီလိုနာပရိသတ်တွေကို တောင်းပန်ချင်ပါတယ်”ဟု ဆိုခဲ့သည်။
မက်ဆီသည် ဘာစီလိုနာအကယ်ဒမီထွက် ကစားသမားတစ်ဦးဖြစ်ပြီး ဘာစီလိုနာအသင်းတွင် ၂၀၀၄ ခုနှစ်မှ ၂၀၂၁ ခုနှစ်အထိ ကစားခဲ့သူဖြစ်သည်။
၎င်းသည် ၂၀၂၁ ခုနှစ်တွင် ဘာစီလိုနာအသင်းနှင့် စာချုပ်သက်တမ်းကုန်ဆုံးပြီးနောက် အသင်း၏ဘဏ္ဍာရေးအခြေအနေကြောင့် PSG အသင်းသို့ ပြောင်းရွှေ့သွားခဲ့ခြင်းဖြစ်သည်။
