အိုဆာဆူနာ – ကာဒစ်ဇ် (မြန်မာစံတော်ချိန် မေလ ၁၁ ရက် ည ၁၁း၃၀ နာရီ)
နှစ်သင်းစလုံးအတွက် အမှတ်ရရေးအသည်းအသန်ကစားရမယ့်အချိန်မျိုး မဟုတ်ဘူး။ ဒါကြောင့် ပုံမှန်လောက်ပဲထိန်းကစားသွားဖို့များနေတယ်။ ကာဒစ်ဇ်ကလည်း အဝေးကွင်းကစားပုံ မာကျောလာလို့ ဒီပွဲတော့ အနိမ့်ဆုံးသရေကစားသွားနိုင်တယ်။
အယ်လ်ချီ – အလာဗတ်စ် (မြန်မာစံတော်ချိန် မေလ ၁၂ ရက် နံနက် ဝဝး၃၀ နာရီ)
(၂)သင်းစလုံး အမှတ်ရဖို့အရေးကြီးနေချိန်ဖြစ်တယ်။ ဒါကြောင့် မရရတဲ့နည်းနဲ့ အမှတ်ရအောင်ကစားကြဦးမှာပဲ။ အယ်လ်ချီမှာ အိမ်ရှင်အခွင့်အရေးရှိတယ်ဆိုပေမဲ့ အလာဗတ်စ်က လည်း ရုန်းကန်ဦးမှာပါ။ ဂိုးနည်းသရေပွဲလို့ပဲ မှန်းထားချင်တယ်။
လီဗန်တေး – ဘာစီလိုနာ (မြန်မာစံတော်ချိန် မေလ ၁၂ ရက် နံနက် ၂း၃၀ နာရီ)
အက်သလက်တီကိုရဲ့ ချန်ပီယံမျှော်လင့်ချက်တွေအားကောင်းမှုကို လျှော့ချပစ်ခဲ့တဲ့ လီဗန်တေး အခုဘာစီလိုနာရဲ့မျှော်လင့်ချက်ကိုရော ရိုက်ချိုးပြဦးမလားဆိုတာ စိတ်ဝင်စား စရာပါပဲ။ ဒါပေမဲ့ ဘာစီလိုနာက လက်ရှိမှာ အိမ်ကွင်းထက်စာရင် အဝေးကွင်းမှာ ပိုပြီးလွတ်လွတ်လပ်လပ်ကစားပုံမျိုး ဖြစ်နေသလို၊ လီဗန်တေးရဲ့အိမ်ကွင်းခြေစွမ်းကလည်း သာမန် လောက်ပဲပြောရမယ်။ ဘာစီလိုနာနဲ့ ဂိုးအများပဲ ဦးစားပေးထားရမယ့်ပွဲလိုဖြစ်နေတယ်။
