စပါးအသင်း၏အင်္ဂလန်လက်ရွေးစင်တိုက်စစ်မှူး ဟာရီကိန်း၏ အပြောင်းအရွှေ့လှုပ်ခတ်မှုနှင့် ပတ်သက်ပြီး သူ၏အစ်ကိုဖြစ်သူ ချာလီမှာ ဝေဖန်ပြစ်တင်မှုများကို ရင်ဆိုင်နေရကြောင်း သိရသည်။
ချာလီသည် CK66 Player Management ဟု အမည်ရသော အေးဂျင့်ကုမ္ပဏီတစ်ခု တည်ထောင်ထားပြီး ဘောလုံးနှင့်ပတ်သက်သည့် ကိုယ်စားလှယ်ကိစ္စရပ်များကို ဆောင်ရွက်နေသူဖြစ်သည်။
စပါးအသင်းမှ ဟာရီကိန်း ထွက်ခွာလိုနေပြီး ပြိုင်ဘက်အသင်းကြီးဖြစ်သည့် မန်စီးတီးသို့ ပြောင်းရွှေ့လိုခြင်းမှာ ချာလီ၏ နောက်ကွယ်မှ ကြိုးကိုင်မှုများပါဝင်နေသည်ဟု စပါးအသင်းတာဝန်ရှိသူများနှင့် စပါးအသင်းအားပေးသူ ပရိသတ်များက ယူဆနေကြကြောင်း သိရသည်။
သို့ဖြစ်ရာ ဟာရီကိန်း၏ အပြောင်းအရွှေ့လှုပ်ခတ်မှုနှင့် ပတ်သက်ပြီး ချာလီအပေါ် ပြစ်တင်မှုများ ရှိနေခြင်းဖြစ်သည်။
ဟာရီကိန်းနှင့် စပါးအသင်း ချုပ်ဆိုထားသော စာချုပ်မှာမူ ယခင်အေးဂျင့်ကုမ္ပဏီဖြစ်သည့် UMS ကုမ္ပဏီက ချုပ်ဆိုပေးခဲ့ခြင်းဖြစ်ကြောင်း သိရသည်။
သို့သော် UMS ကုမ္ပဏီအအနေဖြင့် (၆)နှစ်သက်တမ်းရှိ ယင်းစာချုပ်ကို ချုပ်ဆိုခဲ့ရာ၌ Release Clause (အသင်းမှ ထွက်ခွင့်လျော်ကြေး)ကို ထည့်သွင်းခဲ့ခြင်းမရှိ၍ ဟာရီကိန်းအားခေါ်ယူလိုသည့် အသင်းများအနေဖြင့် အခက်တွေ့နေကြောင်း သိရသည်။
