နယူးကာဆယ်နောက်ခံလူ ထရစ်ပီယာ က အက်သလက်တီကိုနည်းပြ ဆီမြွန်နီကို ပရီးမီးယားလိဂ်တွင် မြင်တွေ့လိုကြောင်း ပြောကြားခဲ့သည်။
ထရစ်ပီယာသည် ယခုဇန်န ၀ါရီအပြောင်းအရွှေ့စျေးကွက်တွင် အက်သလက်တီကိုအသင်းမှ နယူးကာဆယ်အသင်းသို့ ပြောင်းရွှေ့လာခဲ့သူဖြစ်သည်။
အက်သလက်တီကိုအသင်းတွင် ဆီမြွန်နီနှင့် နှစ်နှစ်ကျော်လက်တွဲဖူးသူ ထရစ်ပီယာက ဆီမြွန်နီ သည် အင်္ဂလိပ်ဘာသာစကားကို သင်ယူနေကြောင်းလည်း ပြောကြားခဲ့သည်။
ထရစ်ပီယာက “အင်္ဂလန်မှာ ဆီမြွန်နီ အလုပ်လုပ်တာကို မြင်ချင်ပါတယ်။ သူ အင်္ဂလိပ်ဘာသာစကားကို သင်နေတာ တစ်နှစ်ကျော်လောက်ရှိပြီး အခုဆို ကျွမ်းကျွမ်းကျင်ကျင်ပြောတတ်နေလောက်ပါပြီ။ ဆီမြွန်နီက ဘောလုံးနဲ့ပတ်သက်ရင် စိတ်အားထက်သန်သူဖြစ်ပြီး သူ့ကို ပရီးမီးယားလိဂ်မှာ နည်းပြတာ မြင်တွေ့ချင်ပါတယ်”ဟု ပြောကြားခဲ့သည်။
