အီတလီနည်းပြ မန်စီနီက မိမိတို့အသင်း ၂၀၂၂ ကမ္ဘာ့ဖလားခြေစစ်ပွဲ မအောင်မြင်ခြင်းကို လက်ခံနိုင်ရန် ခက်ခဲကြောင်း ဝန်ခံပြောကြားခဲ့သည်။
အီတလီအသင်းသည် ယူရို-၂၀၂၀ ပြိုင်ပွဲတွင် ဗိုလ်စွဲခဲ့သော်လည်း ကမ္ဘာ့ဖလားခြေစစ်ပွဲ Play-off ဆီမီးဖိုင်နယ်တွင် မြောက်မက်ဆီဒိုးနီးယားကို ရှုံးနိမ့်ခဲ့ခြင်းဖြစ်သည်။
”ကျွန်တော်တို့ ကမ္ဘာ့ဖလားမှာ ယှဉ်ပြိုင်ခွင့်ရခဲ့သင့်တာပါ။ ဒါပေမဲ့ ကံမကောင်းခဲ့ပါဘူး။ ဘောလုံးမှာ ပျော်စရာတွေပြီးရင် စိတ်ညစ်စရာတွေ လာတတ်ပါတယ်။ အခုအချိန်မှာ ကျွန်တော်တို့ ဘာမှလုပ်လို့ မရတော့ပါဘူး”ဟု မန်စီနီက ပြောကြားခဲ့သည်။
