ဆီနီဂေါဘောလုံးအဖွဲ့ချုပ်က ၎င်းတို့၏ ဦးဆောင်ကစားသမားဖြစ်သော တိုက်စစ်ကစားသမား မာနေသည် ကမ္ဘာ့ဖလားပြိုင်ပွဲတစ်ခုလုံးကို လွဲချော်ရတော့မည်ဖြစ်ကြောင်း ကြာသပတေးနေ့က အတည်ပြုကြေညာခဲ့သည်။
ဆီနီဂေါဘောလုံးအဖွဲ့ချုပ်သည် ဒဏ်ရာပြဿနာရှိနေသည့် မာနေကို (၂၆)ဦးစာရင်းတွင် ထည့်သွင်းရွေးချယ်ခဲ့ပြီး အုပ်စုအဖွင့်ပွဲတစ်ပွဲသာ လွဲချော်လိမ့်မည်ဟု ယူဆခဲ့ကြသည်။
သို့သော် နောက်ဆုံးစမ်းသပ်စစ်ဆေးမှုများအရ ကမ္ဘာ့ဖလားပြိုင်ပွဲကာလအတွင်း ပြန်ကစားနိုင်ရန် မဖြစ်နိုင်တော့သောကြောင့် ကမ္ဘာ့ဖလားပြိုင်ပွဲနှင့် မာနေ လွဲချော်ရတော့မည်ဟု ဆီနီဂေါဘောလုံးအဖွဲ့ချုပ်က အတည်ပြုကြေညာခဲ့ခြင်းဖြစ်သည်။
ဆီနီဂေါအသင်းသည် နိုဝင်ဘာ (၂၁) ရက်တွင် အုပ်စုအဖွင့်ပွဲအဖြစ် နယ်သာလန်အသင်းနှင့် ကစားရမည်ဖြစ်သည်။
