ဒူးဒဏ်ရာကြောင့် ကမ္ဘာ့ဖလားပြိုင်ပွဲ လွဲချော်မည့် ဆီနီဂေါတိုက်စစ်ကစားသမား မာနေသည် ဒဏ်ရာကို ခွဲစိတ်ကုသရာ အောင်မြင်မှုရရှိကြောင်း ဘိုင်ယန်မြူးနစ်အသင်းက အတည်ပြုထုတ်ပြန်ခဲ့သည်။
ဆီနီဂေါအသင်း၏ အဓိကတိုက်စစ်ကစားသမားဖြစ်သူ မာနေ (၃၀ နှစ်) သည် ကနဦးခန့်မှန်းချက်အရ ကမ္ဘာ့ဖလားပြိုင်ပွဲ အုပ်စုအဖွင့်ပွဲစဉ်ကို လွဲချော်မည်ဖြစ်ကြောင်း ဆီနီဂေါဘောလုံးအဖွဲ့ချုပ်က အင်္ဂါနေ့တွင် ထုတ်ပြန်ခဲ့သော်လည်း MRI Scan ထပ်မံ စစ်ဆေးမှုအရ ခွဲစိတ်ကုသရန် လိုအပ်သဖြင့် ပွဲစဉ်အားလုံးတွင် ပါဝင်နိုင်တော့မည်မဟုတ်ကြောင်း ကြာသပတေးနေ့တွင် ပြန်လည်ကြေညာခဲ့သည်။ မာနေသည် နိုဝင်ဘာ ၈ ရက်က ၀ါဒါဘရီမင်အသင်းနှင့်ကစားသည့် ဘွန်ဒစ်လီဂါပွဲစဉ်တွင် ယာဘက်ဒူးဒဏ်ရာရရှိခဲ့ခြင်းဖြစ်ပြီး ပထမပိုင်း မိနစ် ၂၀ မှာပင် လူစားလဲခဲ့ရသည်။
မာနေသည် ဆီနီဂေါလက်ရွေးစင်အသင်း၏ ဂိုးအများဆုံးကစားသမားဖြစ်သလို ၂၀၂၁ အာဖရိကနိုင်ငံများဖလား ချန်ပီယံဆု ရရှိရန်နှင့် ၂၀၂၂ ကမ္ဘာ့ဖလားပြိုင်ပွဲ ခြေစစ်ပွဲအောင်မြင်စေရန် အရေးပါသည့် အဆုံးအဖြတ်ပယ်နယ်တီဂိုးများ သွင်းယူပေးထားသူဖြစ်သောကြောင့် ဆီနီဂေါဘောလုံးအဖွဲ့ချုပ်က အရဲစွန့်၍ လူစာရင်းတွင် ထည့်သွင်းရွေးချယ်ခဲ့ခြင်းဖြစ်သည်။ ၎င်း၏ဒဏ်ရာကို ကြာသပတေးနေ့က သြစတြီးယားနိုင်ငံ၌ ခွဲ စိတ်ကုသမှုပြုလုပ်ရာ အောင်မြင်ကြောင်း ဘိုင်ယန်မြူးနစ်အသင်းက ထုတ်ပြန်ခဲ့သည်။
“ခွဲစိတ်ကုသမှုပြုလုပ်ရာမှာ အရွတ်တစ်ခုကို ယာဘက်ဒူးအရိုးရဲ့ထိပ်ပိုင်းနဲ့ ပြန်ချိတ်ဆက်ပေးခဲ့ပါတယ်။ အဲဒါကြောင့် ဘိုင်ယန်မြူးနစ်အသင်း တိုက်စစ်ကစားသမားအနေနဲ့ ကမ္ဘာ့ဖလားပြိုင်ပွဲမှာ ဆီနီဂေါအသင်းအတွက် ပါဝင်ကစားခွင့်ရတော့မှာ မဟုတ်ပါဘူး။ သူ့ရဲ့ဒဏ်ရာ ပြန်လည်ကောင်းမွန်ရေးအတွက် လာမယ့်ရက်အနည်းငယ်အတွင်း မြူးနစ်မှာ စတင်လုပ်ဆောင်သွားမှာပါ” ဟု အဆိုပါထုတ်ပြန်ချက်တွင် ဖော်ပြထားသည်။
 သည် ကနဦးခန့်မှန်းချက်အရ ကမ္ဘာ့ဖလားပြိုင်ပွဲ အုပ်စုအဖွင့်ပွဲစဉ်ကို လွဲချော်မည်ဖြစ်ကြောင်း ဆီနီဂေါဘောလုံးအဖွဲ့ချုပ်က အင်္ဂါနေ့တွင် ထုတ်ပြန်ခဲ့သော်လည်း MRI Scan ထပ်မံ စစ်ဆေးမှုအရ ခွဲစိတ်ကုသရန် လိုအပ်သဖြင့် ပွဲစဉ်အားလုံးတွင် ပါဝင်နိုင်တော့မည်မဟုတ်ကြောင်း ကြာသပတေးနေ့တွင် ပြန်လည်ကြေညာခဲ့သည်။ မာနေသည် နိုဝင်ဘာ ၈ ရက်က ၀ါဒါဘရီမင်အသင်းနှင့်ကစားသည့် ဘွန်ဒစ်လီဂါပွဲစဉ်တွင် ယာဘက်ဒူးဒဏ်ရာရရှိခဲ့ခြင်းဖြစ်ပြီး ပထမပိုင်း မိနစ် ၂၀ မှာပင် လူစားလဲခဲ့ရသည်။){kind=link}