ချဲလ်ဆီးအသင်းသည် ဘရာဇီးကလပ် ကိုရင်သီယန်အသင်းမှ လူငယ်ကစားသမား မော့စ်ကာဒိုကို ပြောင်းရွှေ့ကြေး ယူရိုသန်း ၂၀ ဖြင့်ကမ်းလှမ်းခဲ့သော်လည်းပယ်ချခြင်း ခံခဲ့ရသည်။ ပရီးမီးယားလိဂ်ကလပ်အသင်းကြီးချဲလ်ဆိးသည် အသက် ၁၇ နှစ်အရွယ်ရှိ ကွင်းလယ်လူကို လာမည့် ၂၀၂၄ ၎င်းအသက် ၁၈ နှစ်မပြည့်မီတွင် အရခေါ်ယူလိုခြင်းဖြစ်သော်လည်း ကမ်းလှမ်းမှုကို ဆာအိုပေါ်လိုအခြေစိုက်အသင်းကြီးက ပယ်ချလိုက်ခြင်းဖြစ်သည်။
မော့စ်ကာဒိုသည် လက်ရှိအချိန်တွင် ကိုရင်သီယန်အသင်း၏ ကွင်းလယ်တွင် အမာခံနေရာတစ်နေရာ ရနေသည်။ ကိုရင်သီယန်သို့ ပြီးခဲ့သည့်မေလတွင် နာမည်ကြီးနည်းပြချုပ်တစ်ဦးဖြစ်သူ လူဇင်ဘာဂိုရောက်ရှိလာပြီးကတည်းက မော့စ်ကာဒိုသည် ပုံမှန်ပွဲထွက်ခွင့်ရကာ ခြေစွမ်းပြနေနိုင်သည်။
ချဲလ်ဆီးသည် မော့စ်ကာဒိုကို ခေါ်ယူရေးကို အခြားအသင်းများထက်လက်ဦးမှု ယူနိုင်ရန် ကြိုးပမ်းနေခြင်းဖြစ်ပြီး မော့စ်ကာဒိုကို ခေါ်ယူရေး သဘောတူညီမှု ရရှိပြီးပါက ၎င်းကို ကိုရင်သီယံအသင်းတွင် အငှားဖြင့်တစ်ရာသီထပ်မံကစားခွင့်ပြုရန်လည်း ကမ်းလှမ်းမှုတွင် ထည့်သွင်းကမ်းလှမ်းခဲ့သည်။
