အဲဗာတန်အသင်းသည် ဘာစီလိုနာအသင်းတွင် ဒဏ်ရာပြဿနာများဖြင့် ရုန်းကန်နေရသည့် ဘရာဇီးလ်ကွင်းလယ်လူ ကော်တင်ဟိုကို ပေါင်(၃၅)သန်း ဖြင့် ခေါ်ယူရန်စီစဉ်နေကြောင်း Marca သတင်းစာက ဖော်ပြခဲ့သည်။
ကော်တင် ဟို(၂၈ နှစ်)သည် အဲဗာတန်၏မြို့ခံပြိုင်ဘက် လီဗာပူးလ်အသင်းတွင် (၆)ရာသီ ကစားခဲ့ပြီး ၂၀၁၈ ခုနှစ်တွင် ဘာစီလိုနာအသင်းသို့ ပေါင် (၁၀၅)သန်းဖြင့် ပြောင်းရွှေ့သွားခဲ့သည်။
၎င်းသည် ဘာစီလိုနာတွင် ပုံမှန်ခြေစွမ်းရရန် ရုန်းကန်နေရသည့်အတွက် ဘာစီလိုနာအသင်းသည် ၎င်းကို လျှော့စျေးဖြင့်ရောင်းထုတ်ရန် စီစဉ်နေပြီး အဲဗာတန်အသင်းက ခေါ်ယူရန် စီစဉ်နေခြင်းဖြစ်သည်။
ယခုသတင်းအပေါ် အဲဗာတန်ပရိသတ်အများစုက ကြိုဆိုခဲ့ကြသော်လည်း ပရိသတ်အချို့က ဒါဘီပြိုင်ဘက် လီဗာပူးလ်အသင်း၏ ကစားသမားဟောင်းဖြစ်နေခြင်းကြောင့် အလိုမကျဖြစ်နေကြောင်းလည်း သိရသည်။
