စပိန်ကလပ် ဘာစီလိုနာအသင်းသည် ချယ်လ်ဆီးအသင်းမှ ကစားသမားများအား ခေါ်ယူရန် ပစ်မှတ်ထားနေကြောင်းသိရသည်။
ဘာစီလိုနာအသင်းသည် ဂျာမန်တိုက်စစ်မှူး တီမိုဗာနာ၊ မော်ရိုကိုတောင်ပံကစားသမား ဇီယာ့ရှ်နှင့် စပိန်နောက်ခံလူ အက်ဇ်ပီလီကွယ်တာတို့အားခေါ်ယူရန် ကြိုးပမ်းနခြေင်းဖြစ်ကြောင်း အင်္ဂလန်သတင်းစာများကဖော်ပြခဲ့ကြသည်။
ဘာစီလိုနာအသင်းတာဝန်ရှိသူများသည် ချယ်လ်ဆီးအသင်းတွင် ပုံမှန်နေရာရရန် ရုန်းကန်နေရသည့် ဇီယာ့ရှ်နှင့် လက်ရှိအချိန်အထိ အသင်းတွင် အထိုင်မကျသေးသူ ဗာနာတို့အား ခေါ်ယူရန် ဆန္ဒရှိနေကြောင်းသိရသည်။
ထို့ပြင် ဘာစီလိုနာအသင်းသည် ယခုရာသီကုန်တွင် ချယ်လ်ဆီးအသင်းနှင့် စာချုပ်သက်တမ်းကုန်ဆုံးတော့မည့် စပိန်ဝါရင့်နောက်ခံလူ အက်ဇ်ပီလီကွယ်တာ (၃၂ နှစ်) အား ရာသီကုန်တွင် အလွတ်ပြောင်းရွှေ့ကြေးဖြင့် ခေါ်ယူရန် နည်းပြ ဇာဗီက အလိုရှိနေကြောင်းလည်း သိရှိိရသည်။
