စီးရီးအေကလပ် လာဇီယိုိုအသင်းဥက္ကဋ္ဌ လော့တီတိုက မိမိအနေဖြင့် ပြီးခဲ့သည့် ၂၀၂၃ နွေရာသီအပြောင်းအရွှေ့ စျေးကွက်အတွင်း မန်ယူအသင်းမှထွက်ခွာမည့် အင်္ဂလန်ကြယ်ပွင့်ကစားသမား ဂရင်းဝုဒ်ကိုခေါ်ယူနိုင်ရန် နောက်ဆုံးအချိန်အထိ ကြိုးပမ်းခဲ့ကြောင်း ပြောကြားခဲ့သည်။
ပုဂ္ဂိုလ်ရေး ပြဿနာများကြောင့် မန်ယူအသင်းမှ ထွက်ခွာခဲ့ရသည့် ဂရင်းဝုဒ် (၂၁ နှစ်) သည် ၂၀၂၃ နွေစျေးကွက် နောက်ဆုံးနေ့တွင် လာလီဂါကလပ် ဂီတာဖေးအသင်းထံ တစ်ရာသီအငှားစာချုပ်ဖြင့် ပြောင်းရွှေ့သွားခဲ့သည်။
မန်ယူအသင်းသည် ဂရင်းဝုဒ်ကို အသင်းတွင် နေရာပေးလိုသော်လည်း ပရိသတ်များ၏ကန့်ကွက်မှုကြောင့် ယခုကဲ့သို့ အငှားချခဲ့ခြင်းဖြစ်ကြောင်း သိရသည်။
