ဝေးလ်စ်လက်ရွေးစင်အသင်းခေါင်းဆောင် ဂါရတ်ဘေးလ်သည် သောကြာနေ့တွင် ယှဉ် ပြိုင်ရမည့် အီရန်နှင့်ပွဲ၌ အသင်း၏ ပွဲအများဆုံးကစားသမားအဖြစ် မှတ်တမ်းဝင်မည်ဖြစ်ကြောင်း သိရသည်။
ဂါရတ်ဘေးလ်(၃၃ နှစ်)သည် လက်ရှိအချိန်တွင် နောက်ခံလူ ခရစ္စဂန်တာနှင့်အတူ ဝေးလ်စ်အသင်း၏ ပွဲအများဆုံးကစားသမားအဖြစ် ပူးတွဲရပ်တည်နေသည်။
ခရစ္စဂန်တာမှာ အရန်ကစားသမားအဖြစ် ရပ်တည်နေရသောကြောင့် ဘေးလ်က ပွဲအများဆုံးကစားသမားအဖြစ် (၁၁၀)ပွဲအဖြင့် စံချိန်တင်ရန် အလားအလာကောင်းနေခြင်းဖြစ်သည်။
ဂါရတ်ဘေးလ်သည် ဝေးလ်စ်အသင်းအတွက် ၂၀၀၆ ခုနှစ်တွင် စတင်ပွဲထွက်ခဲ့ပြီး အသင်းအတွက် (၁၀၉) ပွဲတွင် (၄၁) ဂိုး သွင်းယူထားသည်။
ဘေးလ်သည် လက်ရှိတွင် ဝေးလ်စ်အသင်းအတွက် ဂိုးသွင်းအများဆုံးအဖြစ် ရပ်တည်နေသလို၊ ယနေ့ကစားမည့် အီရန်နှင့်ပွဲတွင် ပါဝင်ခဲ့ပါက ပွဲအများဆုံးကစားသူအဖြစ်ပါ မှတ်တမ်းဝင်မည်ဖြစ်သည်။
