အက်သလက်တီကိုအသင်းခေါင်းဆောင်aဟာင်း ဂိုဒင်က ဂျော်အိုဖေးလစ်သည် အတ္တအလွန်ကြီးမားသူဖြစ်ပြီး ယင်းမှာ ၎င်းအတွက် ပြဿနာဖြစ်ကြောင်း ပြောကြားခဲ့သည်။
အသက် (၂၃) နှစ်အရွယ်ရှိ ပေါ်တူဂီတိုက်စစ်ကစားသမား ဂျော်အိုဖေးလစ်သည် ၂၀၁၉ တွင် ဘင်ဖီကာအသင်းမှ အက်သလက်တီကိုအသင်းထံသို့ ကလပ်စံချိန်တင်ပြောင်းရွှေ့ကြေး ယူရို (၁၂၆)သန်းဖြင့် ပြောင်းရွှေ့လာခဲ့သူဖြစ်သည်။
သို့သော် ၎င်းသည် အက်သလက်တီကိုအသင်းတွင် ခြေစွမ်းပြနိုင်ခြင်းမရှိဘဲ နည်းပြ ဆီမြွန်နီနှင့် အဆင်မပြေသဖြင့် ပြီးခဲ့သည့်ရာသီက ချယ်လ်ဆီးအသင်းထံ ရာသီဝက်အငှား လာရောက်ကစားခဲ့ရသည်။
ယခုနွေတွင်လည်း ဂျော်အိုဖေးလစ်အနေဖြင့် အက်သလက်တီကိုအသင်းမှ ထွက်ခွာရန်စီစဉ်နေကြောင်း သိရှိရသည်။
ဂိုဒင်က ” ဂျော်အိုဖေးလစ်က အတ္တအရမ်းကြီးသူဖြစ်ပြီး ဒါက သူ့အတွက် ပြဿနာဖြစ်ပါတယ်။ သူက အရည်အသွေးရှိတဲ့ ကစားသမားဖြစ်ပေမဲ့ ဆီမြွန်နီနဲ့ရော၊ အသင်းနဲ့ပါ အဆင်မပြေပါဘူူး။ ကိုကေနဲ့ ဂရီးဇ်မန်းတို့က ဂျော်အိုဖေးလစ်ကို လမ်းမှန်ပေါ်ရောက်ဖို့ ကြိုးစားခဲ့ကြပေမဲ့ မအောင်မြင်ခဲ့ပါဘူူး။ ဂျော်အိုဖေးလစ်ရဲ့ အတ္တက အသင်း၊ နည်းပြနဲ့ ပရိသတ်တွေရဲ့လိုချင်တာနဲ့ ကိုက်ညီမှု မရှိပါဘူး”ဟု ပြောကြားခဲ့သည်။
