မန်ယူနည်းပြ တန်ဟက်က အသင်းအပေါ် ပြင်းထန်စွာဝေဖန်ထားသည့် စီရော်နယ်လ်ဒို၏ အင်တာဗျူး ထွက်ပေါ်လာပြီးနောက် စီရော်နယ်လ်ဒိုအနေဖြင့် အသင်းအတွက် မကစားသင့်တော့ဟု မန်ယူအသင်းထိပ်တန်းတာဝန်ရှိသူများကို ပြောဆိုခဲ့ကြောင်း ESPN သတင်းဌာနက ဖော်ပြခဲ့သည်။
စီရော်နယ်လ်ဒိုသည် အောက်တိုဘာ (၁၃) ရက်က ပီယာ့စ်မော်ဂန်နှင့် ပြုလုပ်ခဲ့သည့် အင်တာဗျူးတွင် မန်ယူအသင်း၊ အသင်းပိုင်ရှင်တို့ကို ပြင်းထန်စွာဝေဖန်ခဲ့သလို၊ နည်းပြ တန်ဟက်ဂ်ကိုလည်း လေးစားမှုမရှိကြောင်း ပြောဆိုခဲ့သည်။
ယင်းအင်တာဗျူးကြောင့် မန်ယူအသင်းဖော်များသည် စီရော်နယ်လ်ဒိုကို ဒေါသထွက်နေသလို၊ တန်ဟက်ဂ်ကလည်း စီရော်နယ်လ်ဒို၏လုပ်ရပ်အပေါ် ဒေါသထွက်နေကြောင်း သိရှိရသည်။
ထို့ကြောင့် တန်ဟက်ဂ်သည် မိသားစုနှင့် အားလပ်ရက်အပန်းဖြေခရီးထွက်မည့်ကိစ္စကိုပါ ရွှေ့ဆိုင်းခဲ့ပြီး စီရော်နယ်လ်ဒိုအနေဖြင့် မန်ယူအသင်းအတွက် လုံးဝမကစားသင့်တော့ဟု ပြောဆိုခဲ့ကြောင်း ESPN က ဖော်ပြခဲ့ခြင်းဖြစ်သည်။
အသက် (၃၇) နှစ်ကျော်ပြီဖြစ်သည့် စီရော်နယ်လ်ဒိုသည် မန်ယူအသင်းနှင့် ယခုရာသီကုန်အထိ စာချုပ်သက်တမ်းရှိနေသော်လည်း အဆိုပါအင်တာဗျူးကြောင့် လာမည့်ဇန်နဝါရီတွင် အသင်းမှထွက်ခွာရဖွယ်ရှိနေကြောင်း သိရသည်။
လက်ရှိတွင် စီရော်နယ်လ်ဒိုကို ခေါ်ယူရန် ဘိုင်ယန်မြူးနစ်နှင့် မေဂျာလိဂ်ကလပ်များက စိတ်ဝင်စားနေကြောင်း သိရသည်။
