ရီးယဲလ်နည်းပြ အန်ဆယ်လော့တီက ဆုဖလားအောင်ပွဲများနှင့် ဝေးကွာနေခြင်းကို အဆုံးသတ်နိုင်ခဲ့ပြီး ရီးယဲလ် နှင့်အတူ စပိန်စူပါဖလား ရယူနိုင်ခဲ့ခြင်းအတွက် အလွန်ကျေနပ်သည်ဟု ပြောကြားခဲ့သည်။
အန်ဆယ်လော့တီသည် ၂၀၁၇ ခုနှစ်က ဘိုင်ယန်မြူးနစ်နှင့် ဂျာမန်စူပါဖလား ရယူနိုင်ခဲ့ပြီးနောက် နာပိုလီနှင့် အဲဗာတန်အသင်းများ၌ ဆုဖလားအောင်ပွဲနှင့် ဝေးကွာခဲ့ခြင်းဖြစ်သည်။
“အောင်ပွဲဆိုတာ အလုပ်ကို ကောင်းကောင်းလုပ်နိုင်ခဲ့တယ်ဆိုတဲ့ အဓိပ္ပာယ်ပါ။ ကျွန်တော် အောင်ပွဲတွေရယူဖို့ မမောပန်းသေးပါဘူး။ ဒါဟာ နောက်ထပ်အောင်ပွဲတွေရဲ့အစပါ” ဟု အန်ဆယ်လော့တီက ပြောကြားခဲ့သည်။
