ဇန်နဝါရီလ ၃၁ ရက်က ပိတ်သိမ်းသွားခဲ့သည့် ဆောင်းရာသီအပြောင်းအရွှေ့ကာလအတွင်း ပရီးမီးယားလိဂ်ကလပ်အသင်းများသည် စုစုပေါင်း ပေါင် ၂၉၅ သန်းအထိ သုံးစွဲခဲ့ပြီး ပြိုင်ပွဲသမိုင်းတစ်လျှောက် ဒုတိယအများဆုံးသုံးစွဲမှုအဖြစ် မှတ်တမ်းဝင်သွားခဲ့ကြောင်း သိရသည်။
Deadline Day တွင် ပရီးမီးယားလိဂ်မှ ကစားသမားသစ်ခေါ်ယူမှု ၁၂ ခုအထိ ရှိခဲ့ပြီးနောက် အသုံးစရိတ်ပေါင်းမှာ ၂၀၁၈ ခုနှစ် က စံချိန်တင်ထားသည့် ပေါင် သန်း ၄၃၀ ပြီး နောက် ဒုတိယအများဆုံး ဖြစ်ခဲ့သည်။ ပြီးခဲ့သည့်နှစ် ဆောင်းရာသီအပြောင်းအရွှေ့အသုံးစရိတ် ပေါင် သန်း ၇၀ နှင့်ယှဉ်လျှင်မူ များစွာမြင့်တက်လာခဲ့သည်။
ယခုအပြောင်းအရွှေ့ကာလအတွင်း ပရီးမီးယားလိဂ်၏တန်ဖိုးအမြင့်ဆုံးမှာ ပေါ်တိုအသင်းမှ ကိုလံဘီယာ တောင်ပံကစားသမား လူးဝစ်ဒီယက်ဇ်ကို လီဗာပူးလ်အသင်းက ကနဦး ပေါင် ၃၇ ဒသမ ၅ သန်း+Add-ons ကြေး ပေါင် ၁၂.၅ သန်းဖြင့် ခေါ်ယူမှုဖြစ်ပြီး ယင်းနောက်တွင် နယူးကာဆယ်အသင်းက လိုင်ယွန်မှ ဘရာဇီးလ်ကွင်းလယ်လူ ဂီမာရေ့စ်ကို ပေါင် ၃၅ သန်း+Add-ons ကြေး ပေါင် ၆ ဒသမ ၆ သန်းနှင့် ဘန်လေမှ နယူးဇီ လန်တိုက်စစ်မှူး ခရစ္စဝုဒ်ကို ပေါင် ၂၅ သန်း၊ အက်စတွန်ဗီလာအသင်းက အဲဗာတန်မှ ပြင် သစ်နောက်ခံလူ ဒစ်ဂ်နေးကို ပေါင် ၂၅ သန်း ဖြင့် ခေါ်ယူမှုများရှိခဲ့သည်။
ပရီးမီးယားလိဂ် သည် ယခုအပြောင်းအရွှေ့တွင် ကစားသမား ခေါ်ယူမှုတွင် တတိယနေရာသာ အမြင့်ဆုံး ရှိခဲ့ပြီး ထိပ်ဆုံးနေရာတွင် ဗလာဟိုဗစ်(ပေါင် ၅၈ သန်း)၏ ဖီအိုရင်တီးနားမှ ဂျူဗင်တပ်စ်၊ ဖယ်ရန်တောရက်စ်(ပေါင် ၄၆ ဒသမ ၃ သန်း) ၏ မန်စီးတီးမှ ဘာစီလိုနာသို့ အပြောင်းအရွှေ့များက ရပ်တည်ခဲ့သည်။
ပြီးခဲ့သည့်အပြောင်းအရွှေ့နောက်ဆုံးရက်တွင် လှုပ်ရှားမှုအများဆုံးမှာ စပါးအသင်း ဖြစ်ခဲ့ပြီး ဂျူဗင်တပ်စ်ကစားသမားများဖြစ်သည့် ဘန်တန်ကာနှင့် ကူလူဆက်ဗ်စကီးတို့ကို အနည်းဆုံး ကနဦးပြောင်းရွှေ့ကြေး ပေါင် ၂၄ သန်း အသုံးပြုခေါ်ယူခဲ့ကာ အန်ဒွန်ဘီလီ၊ ဆယ်လ်ဆိုနှင့် ဘရိုင်ယန်ဟီလ်တို့ကို အငှားချမှုအပြင် အယ်လီကိုမူ အဲဗာတန်အသင်းသို့ ကနဦးအလွတ်နှင့် Add-ons ကြေး ပေါင် သန်း ၄၀ အထိရှိနိုင်သည့်ပမာဏနှင့် ရောင်းချခဲ့သည်။
ထူးခြားသည်မှာ ပရီးမီးယားလိဂ် အမှတ်ပေးဇယားအောက်ဆုံး ငါးသင်းဖြစ်သည့် အဲဗာတန်၊ နောဝစ်ချ်၊ နယူးကာဆယ်၊ ဝက်ဖို့ဒ်နှင့် ဘန်လေအသင်းများက စုစုပေါင်း အသုံးစရိတ်၏ထက်ဝက်ကျော် ပမာဏဖြစ်သည့် ပေါင် သန်း ၁၅၀ အထိ အသုံးပြုခဲ့ခြင်း ဖြစ်သည်။ ဥရောပအခြားထိပ်တန်းလိဂ်လေးခုက ပေါင် ၃၁၇ သန်း သုံးခဲ့ပြီး ပရီးမီးယား
