အသင်းရဲ့ ရလဒ်ဆိုးတွေအတွက် နည်းပြ ယာဂန်ကလော့ပ်က ဒဏ်ရာပြဿနာနဲ့ အကာအကွယ်လုပ်ချင်တဲ့အရိပ်အယောင် ပြသနေပေမဲ့ ဆင်သေကို ဆိတ်သားရေနဲ့ ဖုံးသလိုသာ ဖြစ်နေတာကို သူကိုယ်တိုင် သိပါတယ်။ လီဗာပူးလ်အသင်းက ဘယ်လိုကိုင်တွယ်ထိန်းချုပ်ရမလဲဆိုတာ မသိနိုင်တော့လောက်အောင် ပရမ်းပတာဖြစ်နေတဲ့ လူးနေတဲ့ လှေတစ်စင်းလိုဖြစ်နေတာပါ။ ဘာကြောင့်ဆိုတဲ့ တစ်ခုတည်းသော ပြစ်ချက်ကို ရှာဖွေဖို့ ခက်နေတာကြောင့် လိုအပ်ချက်မှန်သမျှ၊ အားနည်းချက်မှန်သမျှကို ရှာကြံလက်ညှိုးထိုးရမလို လည်းဖြစ်နေပါတယ်။
