ချယ်လ်ဆီးအသင်းသည် ဘရိုက်တန်တောင်ပံကစားသမား ထရိုဆက်ဒ် အား ခေါ်ယူရန်စီစဉ်နေကြောင်း ဗြိတိန်သတင်းစာ Daily Mail က ဖော်ပြခဲ့သည်။
အသက် (၂၇) နှစ်အရွယ်ရှိ ဘယ်လ်ဂျီယံတောင်ပံကစားသမား ထရိုဆက်ဒ်သည် ယခုရာသီ ပရီးမီးယားလိဂ်(၁၂)ပွဲတွင် (၇)ဂိုးသွင်းယူထားပြီး ခြေစွမ်းပြနေသည်။
၎င်းသည် ယခုရာသီကုန်တွင် ဘရိုက်တန်နှင့် စာချုပ်သက်တမ်းကုန်ဆုံးမည်ဖြစ်သော်လည်း အသင်းဘက်က တစ်နှစ်သက်တမ်းတိုးခွင့်ရှိနေကြောင်း သိရသည်။
ထို့ကြောင့် ချယ်လ်ဆီးအသင်းသည် လာမည့်ဇန်နဝါရီတွင် ထရိုဆက်ဒ်ကို ပေါင်သန်း (၃၀)ဖြင့် ကမ်းလှမ်းရန်စီစဉ်နေပြီး နယူးကာဆယ်အသင်းကလည်း ၎င်းကို စိတ်ဝင်စားနေကြောင်း သိရှိရသည်။
