နာပိုလီနည်းပြ ရူဒီဂါစီယာသည် အသင်းတွင် တစ်နှစ်လစာအဖြစ် ယူရို (၂.၅) သန်း ရရှိမည်ဖြစ်ကြောင်း သိရှိရသည်။
နာပိုလီအသင်းသည် စီးရီးအေချန်ပီယံဆု ရယူပေးခဲ့သည့် နည်းပြ စပယ်လက်တီနှင့် လမ်းခွဲခဲ့ပြီးနောက် အယ်လ်နာဆာနည်းပြဟောင်း ရူဒီဂါစီယာကို နည်းပြသစ်အဖြစ် ခန့်အပ်ခဲ့ကြောင်း ဇွန်လ (၁၅)ရက်တွင် အတည်ပြုကြေညာခဲ့သည
ပြင်သစ်လူမျိုး ရူဒီဂါစီယာသည် ရိုးမားအပါအဝင် ဥရောပကလပ်အသင်းများစွာကို ကိုင်တွယ်ခဲ့ဖူးသူဖြစ်ပြီး ပြီးခဲ့သည့်ဧပြီလတွင် ဆော်ဒီကလပ် အယ်လ်နာဆာအသင်းနှင့် လမ်းခွဲခဲ့သူဖြစ်သည်။
ရူဒီဂါစီယာသည် (၇)နှစ်အကြာတွင် စီးရီးအေသို့ တစ်ကျော့ပြန်ခြေချခွင့်ရခဲ့ခြင်းဖြစ်ပြီး စာချုပ်သက်တမ်းကိုမူ နာပိုလီအသင်းက တရားဝင် ဖော်ပြခဲ့ခြင်းမရှိပေ။
သို့သော် အီတလီမီဒီယာများ၏ ဖော်ပြမှုအရ ရူဒီဂါစီယာသည် နာပိုလီအသင်းနှင့် ၂၀၂၅ ခုနှစ်အထိ စာချုပ်ချုပ်ဆိုခဲ့ပြီး တစ်နှစ်လစာ ယူရို (၂.၅) သန်း ရရှိမည်ဖြစ်ကြောင်း သိရှိရသည်။
