စပါးအသင်း၏ ပြင်သစ်လက်ရွေးစင်ဂိုးသမား ဟူဂိုလိုရစ်သည် နိုက်စ်အသင်းသို့ ပြန်လည်ပြောင်းရွှေ့ရန် စီစဉ်နေကြောင်း သိရှိရသည်။
အသက်(၃၅)နှစ်အရွယ်ရှိ လိုရစ်သည် ယခုရာသီကုန်တွင် စပါးအသင်းနှင့် စာချုပ်သက်တမ်း ကုန်ဆုံးမည်ဖြစ်ပြီး စာချုပ်သက်တမ်းထပ်မတိုးဘဲ အသင်းမှထွက်ခွာဖွယ်ရှိနေကြောင်း သိရသည်။
Foot Mercato ၏ ဖော်ပြချက်အရ နိုက်စ်အသင်းသည် ယခုရာသီကုန်တွင် အသင်းမှထွက်ခွာဖွယ်ရှိနေသည့် ဂိုးသမား ဝေါ်လ်တာဘားသက်ဇ်၏နေရာတွင် လိုရစ်ကို အစားထိုးခေါ်ယူလိုနေကြောင်း သိရသည်။
လိုရစ်သည် နိုက်စ်အကယ်ဒမီထွက် ကစားသမားတစ်ဦးဖြစ်သလို၊ ပရော်ဖက်ရှင်နယ်ကစားသမားဘဝကိုလည်း နိုက်စ်အသင်းတွင် စတင်ခဲ့သူဖြစ်ကြောင်း သိရှိရသည်။
