PSG အသင်းသည် လာမည့်နွေရာသီတွင် ဘရာဇီးလ်တိုက်စစ်မှူး နေမာ ကို ရောင်းထုတ်ရန် စီစဉ်နေကြောင်း AS သတင်းစာက ဖော်ပြခဲ့သည်။
PSG အသင်းသည် ကမ္ဘာ့စံချိန်တင်ပြောင်းရွှေ့ကြေးဖြင့် ခေါ်ယူခဲ့ရသည့် နေမာကို ကွင်းတွင်းခြေစွမ်းအပြင် အဝတ်လဲခန်းအတွင်းမှ ဆက်ဆံရေးအခြေအနေများကိုပါ သဘောကျခြင်းမရှိတော့သည့်အတွက် ပြန်လည်ရောင်းထုတ်ရန် စီစဉ်ခြင်း ဖြစ်ကြောင်း သိရသည်။
သို့သော် နေမာ၏ မြင့်မားသည့် လစာနှုန်းထားကြောင့် ဝယ်ယူမည့်အသင်းကို ရှာဖွေရခက်နိုင်ကြောင်းလည်း သုံးသပ်ထားသည်။
နေမာသည် ယခုရာသီတွင် PSG အသင်းအတွက် ပြိုင်ပွဲစုံ ၂၈ ပွဲ ကစားထားကာ ၁၇ ဂိုး သွင်းယူပေးထားသည်။
