PSV အသင်းနည်းပြ နစ္စတယ်ရွိုင်းက အာဆင်နယ်အသင်းသည် ပရီးမီးယားလိဂ်ချန်ပီယံဆုအတွက် အဆင်သင့်မဖြစ်သေးကြောင်း သုံးသပ်ပြောကြားခဲ့သည်။
နစ္စတယ်ရွိုင်းက နည်းပြ အာတီတာ၏ အာဆင်နယ်အသင်းမှာ ချန်ပီယံဆုကို စိန်ခေါ် နိုင်သည့်အသင်းတစ်သင်း ဖြစ်လာသော်လည်း ကစားသမားများ၏ ငယ်ရွယ်မှုကြောင့် ချန်ပီယံဆုရယူနိုင်ရန် အဆင်သင့်မဖြစ်သေးဟု သုံးသပ်ခဲ့ခြင်းဖြစ်သည်။
”အာတီတာက သူလိုချင်တဲ့ ပုံစံအတိုင်း ကစားနိုင်တဲ့အသင်းဖြစ်အောင် တည်ဆောက်နေပါတယ်။ (၁၀)ပွဲမှာ (၉)ပွဲနိုင်ခဲ့တာကြောင့် ချန်ပီယံဆုကို စိန်ခေါ်နိုင်တဲ့အသင်းတစ်သင်းဆိုတာတော့ သေချာပါတယ်။ ဒါပေမဲ့ အသက်အငယ်ဆုံးအသင်းဖြစ်နေတာက သူတို့အတွက် စိန်ခေါ်မှုပါပဲ”ဟု ၎င်းက ဆိုခဲ့သည်။
အာဆင်နယ်အသင်းသည် လက်ရှိအချိန်တွင် ပရီးမီးယားလိဂ်အမှတ်ပေးဇယားကို ဆက်လက်ဦးဆောင်နေပြီး ချန်ပီယံဆုအတွက် မန်စီးတီး၏နောက် ဒုတိယရေပန်းအစားဆုံးဖြစ်နေသည်။
