အာဆင်နယ်အသင်း၏ တိုက်စစ်ကစားသမား ဆာကာသည် ပရီးမီးယားလိဂ်ပြိုင်ပွဲ၌ ဂိုးဖန်တီးမှု အကြိမ် (၂၀) ပြည့်သည့် တတိယအသက်အငယ်ဆုံးကစားသမားအဖြစ် မှတ်တမ်းဝင်ခဲ့ကြောင်း သိရသည်။
ဆာကာသည် အာဆင်နယ်အသင်းက နော်တင်ဟမ်ဖောရက်စ်အသင်းကို (၅-ဝ)ဂိုးဖြင့် ဂိုးပြတ်အနိုင်ရခဲ့သောပွဲတွင် မာတင်နယ်လီ သွင်းယူသည့် အဖွင့်ဂိုးကို ဖန်တီးပေးခဲ့ခြင်းဖြစ်ပြီး ယင်းမှာ ၎င်းအတွက် ပရီးမီးယားလိဂ်ဂိုးဖန်တီးမှု အကြိမ်(၂၀)မြောက် ဖြစ်သည်။
ထို့ကြောင့် လီဗာပူးလ်နောက်ခံလူ အာနိုးလ်နှင့် မန်ယူကစားသမားဟောင်း ရိုင်ယန်ဂစ်တို့ကို ကျော်ဖြတ်ကာ တတိယအသက်အငယ်ဆုံးကစားသမားအဖြစ် မှတ်တမ်းဝင်ခဲ့ခြင်းဖြစ်သည်။
ပရီးမီးယားလိဂ်သမိုင်းတစ်လျှောက် ဂိုးဖန်တီးမှုအကြိမ်(၂၀)ကို အသက်အငယ်ဆုံးဖြင့် ပြည့်မြောက်ခဲ့သူမှာ အာဆင်နယ် ကွင်းလယ်ကစားသမားဟောင်း ဖာဘရီဂတ်စ်ဖြစ်ပြီး (၁၉ နှစ်၊ ၃၅၂ ရက်)ဖြင့် စံချိန်တင်ထားခြင်းဖြစ်သည်။
၎င်းနောက် ဒုတိယနေရာတွင် မန်ယူတိုက်စစ်မှူးဟောင်း ဝိန်းရွန်နီက (၂၀ နှစ်၊ ၃၀၀ ရက်)ဖြင့် ရပ်တည်နေသည်။ ဆာကာက (၂၁ နှစ်၊ ၅၅ ရက်)ဖြင့် တတိယအသက်အငယ်ဆုံးကစားသမား ဖြစ်လာခဲ့ခြင်းဖြစ်သည်။ ရိုင်ယန်ဂစ်က (၂၁ နှစ်၊ ၇၄ ရက်)၊ အာနိုးလ်က (၂၁ နှစ်၊ ၈၀ ရက်)ဖြင့် ဂိုးဖန်တီးမှုအကြိမ်(၂၀)ပြည့်ခဲ့ခြင်းဖြစ်သည်။
 ပြည့်သည့် တတိယအသက်အငယ်ဆုံးကစားသမားအဖြစ် မှတ်တမ်းဝင်ခဲ့ကြောင်း သိရသည်။){kind=link}