ဆောက်သမ်တန် – မန်ယူ (တနင်္ဂနွေည ရး၃၀ နာရီ)
မန်ယူက ရာသီအဖွင့်ပွဲမှာ အရှိန်ကောင်းကောင်းနဲ့ တာထွက်ခဲ့တယ်။ အဓိက ကစား သမားတွေအစုံအလင်မပါဘဲ လိဒ်စ်လိုအသင်းကောင်းတစ်သင်းကို (၅) ဂိုးသွင်းနိုင်ခဲ့တာ၊ ဘရူနိုဂိုးမြူးခဲ့တာ၊ ပေါ့ဘာ ဖန်တီးမှု (၄)ကြိမ်ရခဲ့တာတွေက အသင်းလိုက်ကစားပုံတင် မဟုတ်ဘဲ တစ်ဦးချင်းယုံကြည်မှုတွေကိုပါ မြင့်တက်စေတယ်။ ဒီပွဲလည်း ဆောက်သမ်တန် ကွင်းဆိုပေမဲ့ မန်ယူပဲ ကြိုက်တယ်။ (၁-၂၊ ၁-၃) ရလဒ်တွေ ဖြစ်နိုင်တယ်။
ဝုလ်ဗ် – စပါး (တနင်္ဂနွေည ရး၃၀ နာရီ)
စပါးအသင်းက မန်စီးတီးကို ခက်ခက်ခဲခဲအနိုင်ယူခဲ့တယ်။ ဝုလ်ဗ်ကလည်း လက်စ တာကို အကြိတ်အနယ်ကစားပြီး ရှုံးခဲ့တယ်။ စိတ်ဝင်စားစရာအချက်ကတော့ အသင်း ဟောင်းရဲ့အိမ်ကွင်းကို ပြန်မယ့် နူနို ဘယ်လိုအခြေအနေ၊ ရလဒ်တွေနဲ့ ကြုံတွေ့မလဲဆိုတဲ့ အချက်ဖြစ်တယ်။ ဒါပေမဲ့ လက်ရှိအနေအထားအရ စပါးက ပိုကောင်းတဲ့ ခြေစွမ်းမျိုးကို ပိုင်ဆိုင်ထားပါတယ်။ စပါး (၁-၂)လောက်နဲ့ နိုင်မယ်။
အာဆင်နယ် – ချယ်လ်ဆီး (တနင်္ဂနွေည ၁ဝးဝ၀ နာရီ)
အာဆင်နယ်နဲ့ ချယ်လ်ဆီးတို့က Emirates ကွင်းမှာ ရင်ဆိုင်သွားကြမှာဖြစ်တယ်။ အာဆင်နယ်က ပရီးမီးယားလိဂ် ရာသီအဖွင့်ပွဲမှာ တန်းတက်အသင်းကို ရှုံးထားပြီး ဖိအားများနေချိန်မှာ ချယ်လ်ဆီးကတော့ ခရစ္စတယ်ပဲလေ့စ်ကို ဂိုးပြတ်နိုင် ပြီး အဖွင့်လှခဲ့တယ်။ ဒါပေမဲ့ အသင်းကြီး နှစ်သင်းတွေ့တဲ့ပွဲမှာ ပြီးခဲ့တဲ့ ရလဒ်ကို မေ့ပြီး ဘယ်အသင်း ပုံစံကောင်းပြမလဲဆိုတာ က အဓိက ဖြစ်တယ်။ အာဆင်နယ်က ချယ်လ်ဆီးကို နောက်ဆုံးကစားခဲ့တဲ့ ပရီးမီးယားလိဂ် (၂)ပွဲဆက်နိုင်ထားပြီး (၃)ပွဲဆက် နိုင်ဖို့ ကြိုးစားလိမ့်မယ်။ ဒါပေမဲ့ ဘရန့်ဖို့ဒ်နဲ့ ပွဲတုန်းက နိုင်တာ၊ ရှုံးတာထက် ပိုအရေးကြီးတာက အာဆင်နယ်ရဲ့ လူစာရင်းက သိပ်အားရစရာမရှိဘူး။ ဒီအနေအထားနဲ့ ချယ်လ်ဆီးကို ယှဉ်ကစားနိုင်ဖို့ ခက်လိမ့်မယ်။ တူဟယ်လ်ရဲ့အသင်းက ခြေစွမ်းပိုင်း ရော၊ ယုံကြည်မှုအပိုင်းမှာပါ အမြင့်ဆုံးရောက်နေပြီး၊ ဒီပွဲကတော့ လူကာကူပါ ပွဲထွက်လာလိမ့်မယ်လို့ ယူဆရတယ်။ အာဆင် နယ်ကွင်းဆိုပေမဲ့ ချယ်လ်ဆီးကိုပဲ ကြိုက်တယ်။ (၁-၂)လောက်ဖြစ်နိုင်တယ်။
