ချယ်လ်ဆီးအသင်း၏ ပရိသတ်များသည် ပရီးမီးယားလိဂ်ပြိုင်ပွဲတွင် (၃)ပွဲဆက် ရှုံးနိမ့်ခဲ့ပြီးနောက် နည်းပြ ဂရေဟမ်ပေါ်တာကို ရာထူးမှ ထုတ်ပယ်ရန် တောင်းဆိုခဲ့ကြပြီး နည်းပြအပြောင်းအလဲပြုလုပ်ခဲ့သည့် အသင်းပိုင်ရှင်အပေါ် ဝေဖန်ပြစ်တင်ခဲ့ကြကြောင်း သိရသည်။
ချယ်လ်ဆီးအသင်း၏ ဥက္ကဋ္ဌအဖြစ် တာဝန်ယူထားသည့် ပူးတွဲပိုင်ရှင် တစ်ဦးဖြစ်သူ တော့ဒ်ဘိုလီသည် ပြီးခဲ့သည့် စက်တင်ဘာလတွင် သောမတ်စ်တူဟယ်လ်ကို ရာထူးမှ ထုတ်ပယ်ကာ ဂရေဟမ်ပေါ်တာကို ပြောင်းလဲခန့်အပ်ခဲ့ခြင်းဖြစ်သည်။
ဂရေဟမ်ပေါ်တာက အစောပိုင်းတွင် ရလဒ်ကောင်းများ ရယူပေးနိုင်ခဲ့သော်လည်း လက်ရှိအချိန်တွင်မူ ပြိုင်ပွဲစုံ (၃)ပွဲ ဆက်နိုင်ပွဲပျောက်ဆုံးခဲ့သည့်အပြင် ပရီးမီးယားလိဂ် (၃)ပွဲဆက်လည်း နိုင်ပွဲပျောက်ဆုံးခဲ့သည်။
ပရီးမီးယားလိဂ်၌ ရလဒ်များဆိုးရွားနေခြင်းကို ချယ်လ်ဆီးပရိသတ်များက အဓိက မကျေမနပ်ဖြစ်ခဲ့ပြီး ရာထူးမှ ထုတ်ပယ်ရန် တောင်းဆိုလာကြခြင်းဖြစ်သည်။
ချယ်လ်ဆီးအသင်းသည် ပရီးမီးယားလိဂ်နောက်ဆုံး (၅)ပွဲ၌ (၂)ပွဲသရေ၊ (၃)ပွဲရှုံးဖြင့် အဆိုးရွားဆုံးအခြေအနေနှင့် ရင်ဆိုင်နေရပြီး ထိပ်ဆုံးမှ အာဆင်နယ်အသင်းနှင့် (၁၆)မှတ်အထိ ကွာဟနေပြီဖြစ်သည်။
ထို့ကြောင့် ချယ်လ်ဆီးပရိသတ်တစ်ဦးက “ဘိုလီ ကျရှုံးနေပြီ။ ပေါ်တာလည်း သွားပြီ။ ငါတို့ ရူးခဲ့တယ်။ ဘာကြောင့်လဲဆိုတော့ တူဟယ်လ်ကို လုံလောက်တဲ့ အကြောင်းပြချက်မရှိဘဲ ထုတ်ပစ်ခဲ့လို့ပဲ” ဟု ရေးသားခဲ့သည်။ ပရိသတ်တစ်ဦးကလည်း “ချယ်လ်ဆီးမှာ ပေါ်တာရဲ့ ခြေလှမ်းကို အဆုံးသတ်ပစ်လိုက်သင့်ပါပြီ။ အသင်းပိုင်ရှင်တွေအနေနဲ့ အခုချက်ချင်း ဒါကိုမလုပ်ရင် ကျွန်တော်တို့ တန်းမဆင်းရဖို့ တိုက်ပွဲဝင်နေရပါလိမ့်မယ်” ဟု ရေးသားခဲ့သည်။ ဂရေဟမ်ပေါ်တာကမူ ပြန်လည်ကုစားနိုင်လိမ့်မည်ဟု ယုံကြည်နေကြောင်း သိရသည်။
ပွဲဆက် ရှုံးနိမ့်ခဲ့ပြီးနောက် နည်းပြ ဂရေဟမ်ပေါ်တာကို ရာထူးမှ ထုတ်ပယ်ရန် တောင်းဆိုခဲ့ကြပြီး နည်းပြအပြောင်းအလဲပြုလုပ်ခဲ့သည့် အသင်းပိုင်ရှင်အပေါ် ဝေဖန်ပြစ်တင်ခဲ့ကြကြောင်း သိရသည်။){kind=link}