ပေါ်တူဂီလက်ရွေးစင်အသင်းနှင့် လမ်းခွဲပြီးနောက် ပိုလန်လက်ရွေးစင်အသင်း၏ နည်းပြအဖြစ် ခန့်အပ်ခံခဲ့ရသည့် ဖာနန်ဒိုဆန်းတို့စ်သည် ပိုလန်ဘောလုံးသမိုင်းတွင် လစာအများဆုံးနည်းပြအဖြစ် ခန့်အပ်ခံခဲ့ရကြောင်း သိရသည်။
ပိုလန် ဘောလုံးအဖွဲ့ချုပ်သည် ဖာနန်ဒိုဆန်းတို့စ်(၆၈ နှစ်)ကို နည်းပြသစ်အဖြစ် ၂၀၂၆ ခုနှစ်အထိ ခန့်အပ်ရာတွင် တစ်နှစ်လစာ ယူရို (၃)သန်း ပေးချေသွားမည်ဖြစ်သည်။
အဆိုပါလစာနှုန်းထားမှာ ပေါ်တူဂီဘောလုံးအဖွဲ့ချုပ် ပေးချေသည့်နှုန်းထားထက် ပိုမိုများပြားသည့်အပြင် ပိုလန်ဘောလုံးသမိုင်း၌ စံချိန်သစ်ဖြစ်ခဲ့ကြောင်း သိရသည်။
