ဘွန်ဒစ်လီဂါထိပ်သီး ဘိုင်ယန်မြူးနစ်အသင်းသည် ပေါင်သန်း(၆၀)ဖြင့် ကမ်းလှမ်းမှု ပယ်ချခံခဲ့ရသည့် စပါးအသင်းတိုက်စစ်မှူး ဟာရီကိန်းကို ပေါင်သန်း(၈၀)ဖြင့် ထပ်မံကမ်းလှမ်းရန် စီစဉ်နေကြောင်း သိရသည်။
ဘိုင်ယန်မြူးနစ်အသင်းသည် စပါးအသင်းမှ ထွက်ခွာရန် ဆန္ဒရှိနေသည့် အင်္ဂလန်တိုက်စစ်မှူး ဟာရီကိန်းကို ခေါ်ယူရန် ကြိုးပမ်းနေခြင်းဖြစ်ပြီး ပေါင်သန်း(၆၀)Add-ons ကြေးဖြင့် ပထမအကြိမ် ကမ်းလှမ်းခဲ့ရာ ပယ်ချခံခဲ့ရသည်။
ဟာရီကိန်း(၂၉ နှစ်)သည် ယခင်နှစ်များက ရီးယဲလ်နှင့် မန်စီးတီးတို့ပါ ခေါ်ယူရန် စိတ်ဝင်စားသည့် တိုက်စစ်မှူးတစ်ဦးဖြစ်ခဲ့သော်လည်း ယခုနွေရာသီတွင်မူ ဘိုင်ယန်မြူးနစ်နှင့် မန်ယူအသင်းတို့သာ ခေါ်ယူရန် ကြိုးပမ်းခဲ့ကြောင်း သိရသည်။
ဟာရီကိန်းသည် ပရီးမီးယားလိဂ်ဂိုးသွင်းအများဆုံးကစားသမားဖြစ်လိုသည့် မျှော်လင့်ချက်အတွက် ပြည်ပကလပ်အသင်းများထံ ပြောင်းရွှေ့ကစားရန်ထက် ပရီးမီးယားလိဂ်ပြိုင်ဘက်အသင်းများထံ ပြောင်းရွှေ့ကစားရန် ပိုမိုလိုလားခဲ့သော်လည်း စပါးအသင်းဥက္ကဋ္ဌ လီဗီက ခွင့်ပြုလိုခြင်းမရှိခဲ့ပေ။
လီဗီက ပရီးမီးယားလိဂ်ပြိုင်ဘက်အသင်းများထံ ရောင်းချရမည်ဆိုပါက မြင့်မားသည့် ပြောင်းရွှေ့ကြေးရရှိရန် လိုလားနေပြီး ပြည်ပကလပ်များအတွက်မူ ဈေးနှုန်းတစ်မျိုးသတ်မှတ်ထားကြောင်းလည်း ဗြိတိန်မီဒီယာအချို့က ဖော်ပြခဲ့သည်။
ထို့ကြောင့် ဘိုင်ယန်မြူးနစ်အသင်းက ပေါင်သန်း(၆၀) ဖြင့် ကမ်းလှမ်းခဲ့ခြင်းဖြစ်ပြီး စပါးအသင်းက လက်မခံဘဲ ပယ်ချခဲ့သည်။ ယင်းအတွက် ယခုအခါ ပေါင်သန်း(၈၀) Add-ons ကြေးဖြင့် ထပ်မံကမ်းလှမ်းရန် စီစဉ်နေခြင်းဖြစ်ပြီး ဟာရီကိန်းနှင့် ပုဂ္ဂိုလ်ရေးသဘောတူညီမှု ရရှိထားပြီဟုလည်း သတင်းထွက်နေသည်။
ချယ်လ်ဆီးအသင်း၏ နည်းပြဟောင်းဖြစ်သည့် လက်ရှိဘိုင်ယန်မြူးနစ်နည်းပြဟောင်း သောမတ်စ်တူဟယ်လ်သည် ပရီးမီးယားလိဂ်မှ ကစားသမားများကို ခေါ်ယူရန် စိတ်အားထက်သန်နေပြီး ဟာရီကိန်းအပြင် မန်စီးတီး နောက်ခံလူ ဝေါ်လ်ကာကိုလည်း ပစ်မှတ်ထားနေကြောင်း သိရသည်။
