အာဆင်နယ်အသင်း၏ အင်္ဂလန်တိုက်စစ်ကစားသမား ဆာကာသည် ခရစ္စတယ်ပဲလေ့စ်နှင့်ပွဲတွင် ပါဝင်ကစားခဲ့ပြီးနောက် ပရီးမီးယားလိဂ်ပွဲစဉ်(၈၂) ပွဲဆက် ပါဝင်ကစားခြင်းအဖြစ် မှတ်တမ်းဝင်ခဲ့ပြီး ကစားသမားဟောင်း ပေါလ်မာဆင်၏စံချိန်ကို လိုက်မီသွားခဲ့ကြောင်း သိရသည်။
အာဆင်နယ်အသင်း၏ ပရီးမီးယားလိဂ်ပွဲဆက်အများဆုံးကစားသမားအဖြစ် စံချိန်တင်ထားသော ပေါလ်မာဆင်သည် ၁၉၉၅ ဖေဖော်ဝါရီမှ ၁၉၉၇ ဖေဖော်ဝါရီအတွင်း ပရီးမီးယားလိဂ်(၈၂)ပွဲဆက် ကစားခဲ့ခြင်းဖြစ်သည်။
ယခုအခါ ဆာကာသည် ၂၀၂၁ မေလမှစ၍ အာဆင်နယ်အသင်း၏ ပရီးမီးယားလိဂ်ပွဲတိုင်းတွင် ကစားခွင့်ရနေခြင်းဖြစ်ကြောင်း သိရသည်။
ဆာကာသည် ပေါလ်မာဆင်၏ စံချိန်ကို လိုက်မီခဲ့သည့်အပြင် လက်ရှိပရီးမီးယားလိဂ်ကစားသမားများထဲတွင် ပွဲဆက်အများဆုံးကစားသမားအဖြစ်လည်း ဦးဆောင်လျက်ရှိကြောင်း သိရသည်။
