၁ ။ အာဆင်နယ် အသင်းဟာ ကစားသမား အထွက်တွေ အတွက် အဓိက ဦးစားပေး ဆွေးနွေး ပြောဆိုမှုတွေ ပြုလုပ်နေပြီး အမေရိကန် နောက်ခံလူ ထရက်စ်တီ ကို ရှက်ဖီး ယူနိုက်တက်ထံ အငှား သို့မဟုတ် အပြီးသတ် ရောင်းချဖို့ လမ်းဖွင့် ထားပါတယ် ။ ချန်ပီယံရှစ် ကလပ် အင်ဆွစ်ချ်တောင်း နှင့် ဆွမ်ဆီးစီးတီး တို့ကလည်း ထရက်စ်တီ ကို ခေါ်ယူဖို့ စိတ်ဝင်စား နေကြပါတယ် ။
၂ ။ အာဆင်နယ် အသင်းဟာ ကွင်းလယ်လူ လိုကွန်ဂါ ကို ကာလာရှည်ကြာ အငှားချဖို့ ဘန်လေ အသင်း နဲ့ ဆွေးနွေး ပြောဆိုမှုတွေ ပြုလုပ် နေပါတယ် ။လိုကွန်ဂါ အနေနဲ့ ဘန်လေ အသင်းမှာ သူ့ရဲ့ ဆရာဟောင်း ကွန်ပနီ နဲ့ ပြန်လည် ဆုံစည်းခွင့် ရမှာ ဖြစ်ပါတယ် ။
၃ ။ အာဆင်နယ် အသင်းဟာ ဒေးဗစ်ရာယာ ရဲ့ လစာ ကိစ္စနဲ့ ပတ်သက်ပြီး ကစားသမား ရဲ့ camp နဲ့ ဆက်သွယ် ပြောဆိုမှု စလုပ်နေပါပြီ ။ ရာယာ ကတော့ ဘိုင်ယန်မြူးနစ် ထက်စာရင် အာဆင်နယ် ကိုပဲ ပိုမို ပြောင်းရွှေ့ ကစားချင် နေပါတယ် ။ဘရန့်ဖိုဒ့် အသင်းကတော့ ရာယာ အတွက် ပေါင် သန်း ၄၀ အလို ရှိနေပါတယ် ။
၄ ။ အာဆင်နယ် အသင်းရဲ့ လူငယ် ကွင်းလယ်လူ ဘန်ကော့ရယ် ဟာ ဆလိုဗေးနီးယား ကလပ် FC Mura အသင်းထံ အပြီးသတ် ပြောင်းရွှေ့ ကစားတော့မှာ ဖြစ်တယ်လို့ သိရပါတယ် ။ တရားဝင် ကြေညာမှုကို မကြာခင် ပြုလုပ် သွားဖို့ ရှိပါတယ် ။
၅ ။ နော်တင်ဟမ်ဖောရက်စ် အသင်းဟာ ဂိုးသမား နေရာအတွက် ဟန်ဒါဆန် နှင့် မတ်တာနာ နှစ်ဦးထဲက တစ်ဦးကိုခေါ်ယူဖို့ စိတ်ဝင်စားနေပါတယ် ။ ဒါပေမဲ့ အာဆင်နယ် နှင့် ဖောရက်စ် ကြား ပြောင်းရွှေ့ကြေး နဲ့ ပတ်သက်ပြီး သဘောတူညီမှု မရသေးသလို အပြောင်းအရွှေ့ဖြစ်မြောက်မယ်လို့လည်း သေချာပေါက်တွက်ဆလို့ မရသေးပါဘူး ။
၆ ။ အာဆင်နယ် အသင်းဟာ လာမယ့် ရက်ပိုင်း အတွင်း အင်္ကျီ နှင့် ကွင်းစပွန်ဆာ ဖြစ်တဲ့ Emirates နဲ့ စာချုပ်သစ် ချုပ်ဆိုမှုကို အတည်ပြု ကြေညာသွားဖို့ ရှိပါတယ် ။
