ဆီနီဂေါနည်းပြ အလူးဆီဆေးက မိမိတို့အနေဖြင့် ၂၀၂၂ ကမ္ဘာ့ဖလားပြိုင်ပွဲတွင် ပြောစမှတ်တွင်အောင် စွမ်းဆောင်ပြသွားမည်ဟု ကြုံးဝါးပြောကြားခဲ့သည်။
ဆီနီဂေါသည် ၂၀၀၂၊ ၂၀၁၈ ကမ္ဘာ့ဖလားတို့တွင် ယှဉ်ပြိုင်ဖူးပြီး ယခုအကြိမ်မှာ အသင်းသမိုင်းတစ်လျှောက် တတိယအကြိမ်မြောက်ဖြစ်သည်။
ဆီနီဂေါအသင်းသည် ၂၀၀၂ ကမ္ဘာ့ဖလားတွင် ကွာတားဖိုင်နယ်ထိ တက်ရောက်နိုင်ခဲ့သော်လည်း ပြီးခဲ့သည့် ၂၀၁၈ ကမ္ဘာ့ဖလားတွင်မူ အုပ်စုအဆင့်မှ ထွက်ခွာခဲ့ရသည်။
အလူးဆီဆေးက ”ကျွန်တော်တို့ရဲ့ရည်မှန်းချက်က အုပ်စုအဆင့်က ကျော်ဖြတ်နိုင်ဖို့ပါ။ အုပ်စုအဆင့်က ကျော်ဖြတ်နိုင်ပြီဆိုရင် ရှုံးထွက်ပွဲတွေ တောက်လျှောက်ကစားရမှာပါ။ အဲဒီအချိန်မှာ ဆီနီဂေါအသင်း ဘယ်လိုဆိုပြီး ပြောစမှတ်တွင်အောင် စွမ်းဆောင်သွားမှာပါ။ တခြားအသင်းတွေက ရှုံးထွက်တွေ၊ ကွာတားတွေအကြောင်း ပြောနေပေမဲ့ ကျွန်တော်တို့က တစ်ပွဲချင်းစီ အာရုံစိုက်သွားမှာပါ”ဟု ပြောကြားခဲ့သည်။
