အဲဗာတန်အသင်းပိုင်ရှင်ဖြစ်သူ မိုရှီရီက ဖိအားများရင်ဆိုင်နေသည့် နည်းပြ ဖရန့်လမ်းပတ်ကို ယုံကြည်မှုရှိကြောင်း ကြေညာချက်ထုတ်ပြန်ခဲ့သည်ဟု သိရှိရသည်။
အဲဗာတန်အသင်းသည် လိဂ်ဖလားနှင့် FA ဖလားပြိုင်ပွဲမှ ထွက်ခဲ့ရပြီဖြစ်သလို ပရီးမီးယားလိဂ်တွင်လည်း (၆)ပွဲဆက် နိုင်ပွဲပျောက်ဆုံးကာ တန်းဆင်းဇုန်အတွင်း အဆင့် (၁၈)နေရာ ရောက်ရှိနေသည်။
သို့ဖြစ်ရာ လမ်းပတ်အနေဖြင့် ရာထူးမှ ထုတ်ပယ်ခံရနိုင်သည့် နည်းပြ ရေပန်းစားမှုစာရင်းတွင် အလေးပေးမှု ၄းရ ဖြင့် ထိပ်ဆုံးနေရာရောက်ရှိနေသလို ၎င်းကိုယ်တိုင်ကလည်း အနာဂတ်အတွက် အာမခံချက်မရှိတော့ကြောင်း ဝန်ခံထားသည်။
ယင်းအခြေအနေတွင် မိုရှီရီက ကြေညာချက်ထုတ်ပြန်ခဲ့ခြင်းဖြစ်သည်။
“ကျွန်တော့်အနေနဲ့ မန်နေဂျာဖြစ်တဲ့ လမ်းပတ်တင်မဟုတ်ဘဲ ဘောလုံးဒါရိုက်တာ ကယ်ဗင်သယ်ဝယ်နဲ့ ဘုတ်ဒါရိုက်တာတွေကို ယုံကြည်မှုရှိပါတယ်။ အဲဒီယုံကြည်မှုက ကျွန်တော့်ရဲ့ လေးနက်တဲ့ အသိပညာ ဗဟုသုတအပေါ် အခြေခံပြီး သူ့အပေါ် ယုံကြည်မှုအပြည့်ရှိပါတယ်”ဟု ပြောကြားခဲ့သည်။
