ကမ္ဘာ့ဘောလုံးအဖွဲ့ချုပ်(ဖီဖာ)ဥက္ကဋ္ဌ အင်ဖန်တီနိုသည် လက်ရှိရာထူးတွင် နောက်ထပ်(၄)နှစ် ဆက်ရှိမည်ဖြစ်ကြောင်း သိရသည်။
အင်ဖန်တီနိုသည် ၂၀၁၆ ခုနှစ်တွင် ဖီဖာဥက္ကဋ္ဌအဖြစ် စတင်ခန့်အပ်ခံခဲ့ရပြီး ၂၀၁၉ ခုနှစ်၌ ယှဉ်ပြိုင်ရွေးချယ်ခံမည့်သူမရှိသောကြောင့် ဥက္ကဋ္ဌအဖြစ် ဆက်လက်ဆောင်ရွက်ခဲ့ရသည်။
ယခုအခါ နောက်ထပ်(၄)နှစ်သက်တမ်းအတွက် ရွေးကောက်ပွဲကျင်းပရမည့်အချိန်တွင်လည်း ယှဉ်ပြိုင်မည့်သူ မရှိသောကြောင့် ၂၀၂၆ ခုနှစ်အထိ သက်တမ်းရှိမည့် နောက်ထပ်(၄)နှစ် ဆက်လက်တာဝန်ယူရမည်ဖြစ်ကြောင်း သိရသည်။
ဖီဖာဥက္ကဋ္ဌ ရွေးကောက်ပွဲကို ၂၀၂၃ ခုနှစ် မတ်လတွင် ကျင်းပပြုလုပ်ရန် ရည်ရွယ်ထားခြင်းဖြစ်ကြောင်း သိရသည်။
