ဘရာဇီးလ် ဂန္ထဝင်တိုက်စစ်မှူး ပီလီသည် အူမကြီးအကျိတ်ကို ကုသမှုခံယူရန် အတွက် ဆော်ပေါ်လိုမြို့ရှိ အဲလ်ဘတ်အိုင်းစတိုင်းဆေးရုံတွင် ပြန်လည်တက်ရောက်နေရကြောင်း သိရသည်။
ဗုဒ္ဓဟူးနေ့တွင် ဆေးရုံက ထုတ်ပြန်ခဲ့သည့်ကြေညာချက်အရ ပီလီအနေဖြင့် အူမကြီးအကျိတ်ကို ကုသမှုဆက်လက်ပြုလုပ်ရန် ဆေးရုံတက်ရောက်ခဲ့ရခြင်းဖြစ်ပြီး အခြေအနေတည်ငြိမ်နေကာ ရက်ပိုင်းအတွင်း ပြန်ဆင်းရနိုင်ကြောင်း သိရသည်။
အသက် ၈၁ နှစ်ရှိပြီဖြစ်သည့် ပီလီသည် စက်တင်ဘာလအတွင်းက အူမကြီးအကျိတ်ကို ဖယ်ရှားရန် ခွဲစိတ်ကုသမှုပြုလုပ်ခဲ့ရပြီး အခြေအနေတည် ငြိမ်မှုမရှိသဖြင့် တစ်လနီးပါး ဆေးရုံတက်ခဲ့ရသည်။
ပီလီသည် ကမ္ဘာ့ဖလားသုံးကြိမ်ရရှိဖူးပြီး ထာဝရအကောင်းဆုံး ကစားသမားတစ်ဦးအဖြစ် သတ်မှတ်ခံထားရသူဖြစ်သည်။
