ချယ်လ်ဆီးအသင်းသည် ဘရာဇီးလ်ကလပ် ဆန်းတို့စ်အသင်း၏လူငယ်တိုက်စစ်ကစားသမား အန်ဂျယ်လိုဂါဘရီယဲလ်ကို ခေါ်ယူနိုင်ခဲ့ပြီဖြစ်ကြောင်း အတည်ပြုကြေညာခဲ့သည်။
အသက် (၁၈) နှစ်သာရှိသေးသူ အန်ဂျယ်လိုသည် ၂၀၂၀ ပြည့်နှစ် အောက်တိုဘာတွင် ၁၅ နှစ်၊ ၃၀၈ ရက်ဖြင့် ဆန်းတို့စ်အတွက် ပါဝင်က စားခွင့်ရပြီး ဘရာဇီးလ်ထိပ်တန်းလိဂ်သမိုင်းတစ်လျှောက် အသက်အငယ်ဆုံးနှင့် ကိုပါလီတာတေးဒိုးစ်ပြိုင်ပွဲတွင်လည်း ၂၀၂၁ ခုနှစ် ဧပြီ၌ အသက်အငယ်ဆုံးဂိုးသွင်းသူအဖြစ် မှတ်တမ်းဝင်ထားသည်။
၎င်းအတွက် ပေးချေရသည့် ပြောင်းရွှေ့ကြေးနှင့် စာချုပ်သက်တမ်းကို ချယ်လ်ဆီးအသင်းက ထုတ်ပြန်ခြင်းမရှိသော်လည်း ပေါင် (၁၃) သန်းဝန်းကျင် ပေးချေရမည်ဖြစ်ကြောင်း ဗြိတိန်သတင်းဌာနများက ဖော်ပြခဲ့သည်။
၎င်းသည် ဆန်းတို့စ်အသင်းအတွက် (၁၂၉) ပွဲကစား၊ (၅)ဂိုး သွင်းယူပေးထားသည်။
အန်ဂျယ်လိုသည် ဘရာဇီးလ် ယူ-၂၀ အသင်း၏ အားထားရသည့် တောင်ပံကစားသမားတစ်ဦးလည်းဖြစ်ပြီး ချယ်လ်ဆီးအသင်း၏ ရာသီကြို အမေရိကန်ခြေစမ်းခရီးစဉ်၌ လာရောက်ပူးပေါင်းမည်ဖြစ်သော်လည်း အငှားနှင့် ပြန်ထွက်ဖွယ်ရှိနေသည်။
