ဘာစီလိုနာအသင်းခေါင်းဆောင် မက်ဆီသည် လာမည့်နွေရာသီ၌ စာချုပ်သစ်အတွက် အသင်း၏ ကမ်းလှမ်းမှုကို လက်ခံစဉ်းစားသွားရန် စီစဉ်နေကြောင်း သိရသည်။
မက်ဆီသည် ပြီးခဲ့သည့် နွေရာသီအပြောင်းအရွှေ့ကာလအတွင်း ဘာစီလိုနာအသင်းမှ ထွက်ခွာခွင့်ပြုရန် တောင်းဆိုခဲ့သလို၊ လက်ရှိအချိန်တွင်လည်း အသင်းပြောင်းရွှေ့ဖွယ်ရှိကြောင်း သတင်းများ ထွက်ပေါ်နေသည်။
သို့သော် ရာသီကုန်ဆုံးရန် နီးကပ်လာ ချိန်၌ ဘာစီလိုနာအသင်းတွင် ဆက်ရှိလိုသည့် အရိပ်အယောင်ပြလာခဲ့ပြီး ၎င်းင်း၏ အေးဂျင့်အဖြစ်ဆောင်ရွက်နေသော ဖခင်ဖြစ်သူကလည်း ဘာစီလိုနာဥက္ကဋ္ဌသစ် လာပေါ်တာနှင့် ဆွေးနွေးခဲ့ကြောင်း သိရသည်။
မက်ဆီသည် ၎င်းင်းအလိုကျ ကမ်းလှမ်းမှုရရှိခဲ့ပါက ဘာစီလိုနာအသင်းနှင့် စာချုပ်သစ်ချုပ်ဆိုသွားရန် ဆန္ဒရှိနေပြီး စာချုပ်သက်တမ်းမှာ အဓိကအဆုံးအဖြတ်ဖြစ်လာဖွယ်ရှိသည်ဟု စပိန်မီဒီယာများက သုံးသပ်နေကြသည်။
မက်ဆီသည် မိသားစုအခြေကျနေခြင်းကြောင့် စပိန်မြေကို စွန့်ခွာရန် လိုလားမှုမရှိခြင်းဖြစ်ကြောင်းလည်း သိရသည်။
