မန်စီးတီးနည်းပြ ဂွါဒီယိုလာက ဘိုင်ယန်မြူးနစ်အသင်းက ခေါ်ယူရန်ပစ်မှတ်ထားနေသည့် အသင်းနောက်ခံလူ ဝေါ်လ်ကာအား ဆက်ထိန်းရန်အတွက် တိုက်ပွဲဝင်သွားမည်ဖြစ်ကြောင်း ပြောကြားခဲ့သည်။
ဝေါ်လ်ကာ(၃၃ နှစ်)သည် ချန်ပီယံလိဂ်ဗိုလ်လုပွဲတွင် ပွဲထွက်ကစားခွင့်မရသည့်အတွက် စိတ်ပျက်နေပြီး ယခုနွေရာသီအပြောင်းအရွှေ့ကာလတွင် အသင်းမှထွက်ခွာရန်စီစဉ်နေကြောင်း သိရသည်။ ၎င်းကိုခေါ်ယူရန် ဘိုင်ယန်မြူးနစ်အသင်းက စိတ်ဝင်စားနေကြောင်း သိရသည်။
သို့သော် ဂွါဒီယိုလာက “ဝေါ်လ်ကာကိုအသင်းမှာဆက်ထိန်းနိုင်ဖို့အတွက် ကျွန်တော်တို့ တိုက်ပွဲဝင်သွားမှာပါ။ ဘာတွေဆက်ဖြစ်မလဲဆိုတာတော့ မသိသေးပါဘူး”ဟု ပြောကြားခဲ့သည်။
ဂွါဒီယိုလာသည် ဘိုင်ယန်မြူးနှင့်ကစားသည့် ခြေစမ်းပွဲတွင် ဝေါ်လ်ကာကို အသင်းခေါင်းဆောင်အဖြစ်ခန့်ခဲ့သည်။
