ယခုရာသီကုန်တွင် စာချုပ်သက်တမ်းကုန်ဆုံးမည့် တီလေမန်းစ်ကို စာချုပ်သစ်ချုပ်နိုင်မည်ဟု လက်စတာ ယုံကြည်

လက်စတာအသင်းသည် ယခုရာသီကုန် တွင် အသင်းနှင့်စာချုပ်သက်တမ်းကုန်ဆုံးမည့် ဘယ်လ်ဂျီယံကွင်းလယ်ကစားသမား တီလေမန်းစ်အား စာချုပ်သစ် ချုပ်ဆိုနိုင်မည်ဟု ယုံကြည်နေကြောင်း ဗြိတိန်သတင်းစာ Daily Mail က ဖော်ပြခဲ့သည်။ 

ယခုရာသီကုန်တွင် လက်စတာအသင်း နှင့် စာချုပ်သက်တမ်းကုန်ဆုံးမည့် တီလေမန်းစ်အနေဖြင့် လာမည့်ဇန်နဝါရီတွင် ပြည်ပကလပ်အသင်းနှင့် ကြိုတင်သဘောတူစာချုပ် ချုပ်ဆိုခွင့်ရှိနေပြီး လက်စတာအသင်းသည် ၎င်းကို ပြောင်းရွှေ့ကြေးအလွတ်ဖြင့် လက်လွှတ်ရမည်ဖြစ်သည်။ 

သို့သော် Daily Mail ၏ ဖော်ပြချက်အရ လက်စတာအသင်းသည် တီလေမန်းစ်အား စာချုပ်သစ်ချုပ်ဆိုရန် စည်း ရုံးနိုင်မည်ဟု ယုံကြည်နေပြီး အနည်းဆုံးတစ်နှစ်သက်တမ်းတိုးသွားမည်ဖြစ်ကြောင်း သိရှိရသည်။ လက်စတာအသင်းသည် အသက် ၂၅ နှစ်အရွယ် တီလေမန်းစ်အား စာချုပ်သစ်ချုပ် ဆိုရန် ပြီးခဲ့သည့် ၂၀၂၀-၂၁ ရာသီကတည်း က ကြိုးပမ်းခဲ့သော်လည်း ကစားသမားအနေဖြင့် လက်မှတ်ရေးထိုးခြင်းမရှိသေးပေ။ 

သို့ သော် လက်ရှိတွင် လက်စတာအသင်းထိပ်တန်းတာဝန်ရှိသူများသည် တီလေမန်းစ်အား စာချုပ်သစ်ချုပ်ဆိုရန်အတွက် ကစားသမား၏ ကိုယ်စားလှယ်များနှင့်ဆွေးနွေးလျက်ရှိ ကြောင်း သိရှိရသည်။ 

အကယ်၍ လက်စတာ အသင်းအနေဖြင့် တီလေမန်းစ်အား စာချုပ်သစ်ချုပ်ဆိုရန် သဘောတူညီမှု မရပါက လာမည့်ဇန်နဝါရီအပြောင်းအရွှေ့ကာလတွင် ရောင်းချသွားဖွယ်ရှိနေပြီး ၎င်းကိုခေါ်ယူရန် အာဆင်နယ်အသင်းက စိတ်ဝင်စားနေကြောင်း သိရှိရသည်။