ဘယ်လ်ဂျီယံလက်ရွေးစင်အသင်း၏နည်းပြ မာတီနက်ဇ်က ရာထူးမှ နုတ်ထွက်မည်မဟုတ်ကြောင်း အတည်ပြုပြောကြားခဲ့သည်။
ဘယ်လ်ဂျီယံအသင်းသည် ယူရို-၂၀၂၀ ပြိုင်ပွဲတွင် ကွာတားဖိုင်နယ်မှ ထွက်ခွာခဲ့ရပြီးနောက် နည်းပြ မာတီနက်ဇ်နှင့် လမ်းခွဲဖွယ်ရှိကြောင်း ထင်ကြေးပေးမှုများ ထွက်ပေါ်ခဲ့သည်။
သို့သော် မာတီနက်ဇ်က အဆိုပါသတင်းများကို ငြင်းပယ်ခဲ့ပြီး မိမိအနေဖြင့် လာမည့်ပြိုင်ပွဲများအတွက် အာရုံစိုက်နေကြောင်း ဆိုခဲ့ခြင်းဖြစ်သည်။
မာတီနက်ဇ်က လက်ရှိအချိန်တွင် ကမ္ဘာ့ဖလားခြေစစ်ပွဲနှင့် Nations League ပြိုင်ပွဲအတွက် အာရုံစိုက်နေပြီဖြစ်ကြောင်းနှင့် မိမိအသင်းမှ ကစားသမားများထဲတွင်လည်း လက်ရွေးစင်ကစားသမားဘဝမှ အနားယူမည့်သူ မရှိသေးကြောင်း ပြောကြားခဲ့သည်။
ဘယ်လ်ဂျီယံအသင်းနှင့် ချုပ်ဆိုထားသည့် မာတီနက်ဇ်၏ လက်ရှိစာချုပ်မှာ ၂၀၂၂ ခုနှစ်၊ ဇွန်လ (၃၀)ရက်တွင်မှ ကုန်ဆုံးမည်ဖြစ်သည်။
