ရီးယဲလ်အသင်း၏ ဘရာဇီးလ်တိုက်စစ်ကြယ်ပွင့် ဗင်နီစီယပ်စ်သည် နံပါတ်(၇)ကို ပြောင်းလဲဝတ်ဆင်သွားမည်ဖြစ်ကြောင်း သိရသည်။
ရီးယဲလ်အသင်း၏ နံပါတ်(၇)မှာ ရာအူးလ်၊ စီရော်နယ်လ်ဒိုတို့ ဝတ်ဆင်ခဲ့သည့် ဂန္ထဝင်နံပါတ်ဖြစ်ပြီး ပြီးခဲ့သည့်ရာသီအထိ ဟာဇက် ဝတ်ဆင်ခဲ့သော်လည်း ယခုအခါ အသင်းမှ ထွက်ခွာတော့မည်ဖြစ်၍ ဗင်နီစီယပ်စ်က ပြောင်းလဲဝတ်ဆင်ခွင့် ရရှိခဲ့ခြင်းဖြစ်သည်။
ဗင်နီစီယပ်စ်သည် ဘန်ဇီမာ မရှိတော့သည့်နောက် အသင်း၏တိုက်စစ်ကို ဦးဆောင်ရမည့်သူဖြစ်သောကြောင့် ယခုကဲ့သို့ နံပါတ်(၇) ပြောင်းလဲဝတ်ဆင်ခွင့်ရလာခြင်းလည်းဖြစ်သည်။
တွဲဖက်တိုက်စစ်ကစားသမားတစ်ဦးဖြစ်သည့် ရိုဒရီဂိုကလည်း နံပါတ်(၁၁)ကို ပြောင်းလဲဝတ်ဆင်မည်ဟု သိရသည်။
