ဘာစီလိုနာအသင်းနည်းပြ ဇာဗီက ပြီးခဲ့သည့်အိုဆာဆူနာအသင်းနှင့်ပွဲကို အနိုင်ရခဲ့ခြင်းမှာ ဘာစီလိုနာအသင်း၏ ရဲရင့်ထက်မြက်ပြီး မိသားစုဆန်သော စိတ်ဓာတ်ကြောင့်ဖြစ်ကြောင်း ချီးကျူးခဲ့သည်။
အဆိုပါပွဲတွင် ဘာစီလိုနာအသင်းသည် (၁)ဂိုး ရှုံးအနေအထားဖြင့် ကစားခဲ့ရသလို၊ ပထမပိုင်းပြီးချိန်အတွင်း တိုက်စစ်မှူး လီဝန်ဒေါစကီး ထုတ်ပယ်ခံရသဖြင့် တစ်ယောက်လျော့ဖြင့် ကစားခဲ့ရခြင်း ဖြစ်ပြီး ပွဲပြီးဆုံးချိန်၌ (၂-၁)ဂိုးဖြင့် အနိုင်ရရှိခဲ့သည်။ စပိန်မီဒီယာများက လာလီဂါချန်ပီယံဆုအတွက် အရေးပါသည့်နိုင်ပွဲဟု ချီးကျူးခဲ့ပြီး ကမ္ဘာ့ဖလားမတိုင်မီနောက်ဆုံးကစားသော လာလီဂါပွဲစဉ်တွင် အနိုင်ရသဖြင့် ဆောင်းရာသီချန်ပီယံဘွဲ့ ပိုင်ဆိုင်ခဲ့သည်။
ဇာဗီက “ကျွန်တော်တို့ရဲ့ အဝတ်လဲခန်းအတွင်း ဆက်ဆံရေးဟာ မိသားစုဆန်လို့ ဂုဏ်ယူရပါတယ်။ လူတိုင်းက ကျွန်တော်တို့ကို ဆန့်ကျင်နေပါတယ်။ ဒိုင်တွေရဲ့ ဆုံးဖြတ်ချက်တွေ ရောပေါ့။ အခုပွဲမှာဆိုရင်လည်း အိုဆာဆူနာရတဲ့ဂိုးက ထောင့်ကန်ဘောကနေပါ။ တကယ်ဆိုရင် အဲဒီထောင့်ကန်ဘောဟာ မပေးသင့်ပါဘူး။ မတရားမှုကို ကျွန်တော်တို့ စုပေါင်းကာကွယ်ခဲ့ပြီး ဒုတိယပိုင်းမှာ စုစည်းညီညွတ်စွာ ပြန်လာနိုင်ခဲ့ပါတယ်။ ပထမပိုင်းပြီးတော့ ကျွန်တော့်ကစားသမားတွေကို ယုံကြည်မှုရှိဖို့ ပြောခဲ့ပါတယ်။ အခုပွဲဟာ ယုံကြည်မှုရဲ့ အောင်ပွဲ၊ ရဲရင့်ထက် မြက်မှုနဲ့ မိသားစုဆန်တဲ့စိတ်ဓာတ်ကြောင့်ဖြစ်ပြီး သိပ်ပြီးအရေးကြီးပါတယ်” ဟု ပြောခဲ့သည်။
အဆိုပါပွဲတွင် လီဝန်ဒေါစကီးအပြင် ပီကေးမှာလည်း ပထမပိုင်းပွဲချိန်ပြီးဆုံးချိန်တွင် အငြင်းပွားဖွယ်ဆုံးဖြတ်ချက်များ ချမှတ်ခဲ့သော ကွင်းလယ်ဒိုင်မန်ဇာနိုကို မိခင်နှင့်ခိုင်းနှိုင်း၍ ဆဲဆိုသဖြင့် ထုတ်ပယ်ခံခဲ့ရသည်။
ဂိုး ရှုံးအနေအထားဖြင့် ကစားခဲ့ရသလို၊ ပထမပိုင်းပြီးချိန်အတွင်း တိုက်စစ်မှူး လီဝန်ဒေါစကီး ထုတ်ပယ်ခံရသဖြင့် တစ်ယောက်လျော့ဖြင့် ကစားခဲ့ရခြင်း ဖြစ်ပြီး ပွဲပြီးဆုံးချိန်၌ (၂-၁)ဂိုးဖြင့် အနိုင်ရရှိခဲ့သည်။ စပိန်မီဒီယာများက လာလီဂါချန်ပီယံဆုအတွက် အရေးပါသည့်နိုင်ပွဲဟု ချီးကျူးခဲ့ပြီး ကမ္ဘာ့ဖလားမတိုင်မီနောက်ဆုံးကစားသော လာလီဂါပွဲစဉ်တွင် အနိုင်ရသဖြင့် ဆောင်းရာသီချန်ပီယံဘွဲ့ ပိုင်ဆိုင်ခဲ့သည်။){kind=link}