မန်ယူအသင်းက ခေါ်ယူရန်ပစ်မှတ်ထားနေသည့် ဖီအိုရင်တီးနား ကွင်းလယ်ကစားသမား အမ်ရာဘတ်က မိမိအနေဖြင့် လာမည့်ရာသီတွင် အသင်း၌ ဆက်ရှိနိုင်ကြောင်း ပြောကြားခဲ့သည်။
မန်ယူအသင်းသည် ယခုနွေရာသီတွင် အမ်ရာဘတ်အား ခေါ်ယူရန် ကြိုးပမ်းနေသော်လည်း ဘဏ္ဍာ ရေးသာတူညီမျှစည်းမျဉ်း (FFP) ကြောင့် အခက်တွေ့နေရသည်။
ထို့ကြောင့် မန်ယူအသင်းသည် အသင်းကွင်းလယ်ကစားသမားများဖြစ်သည့် ဗန်ဒယ်ဘိခ်နှင့် ဖရက်ဒ်တို့ကို ရောင်းချပြီးမှသာ အမ်ရာဘတ်ကို ခေါ်ယူနိုင်မည်ဖြစ်ကြောင်း ဗြိတိန်မီဒီယာများက ဖော်ပြနေကြသည်။
ယင်းအခြေအနေတွင် အမ်ရာဘတ်က ၎င်းအနေဖြင့် ဖီအိုရင်တီးနား၌ ဆက်ရှိနိုင်ကြောင်း ပြောကြားခဲ့ခြင်းဖြစ်သည်။ အမ်ရာဘတ်က “ဖီအိုရင်တီးနားက ကျွန်တော် ထွက်ခွာဖြစ်မလား မသိပါဘူး။ ဒီအသင်းမှာ ကျွန်တော် ဆက်နေတာလည်း ဖြစ်နိုင်ပါတယ်။ ကျွန်တော် မသိသေးပါဘူး”ဟု ပြောကြားခဲ့သည်။
