ဘာစီလိုနာအသင်း၏ ဒတ်ချ် လူမျိုးနည်းပြ ရော်နယ်လ်ကိုးမန်း (၅၈ နှစ်)က မိမိအနေဖြင့် လာမည့်ရာသီ တွင် ဘာစီလိုနာနည်းပြရာထူး၌ ဆက် ရှိနေမည်ဟုယုံကြည်ကြောင်း ဗီလာရီး ယဲလ်အသင်းနှင့် လာလီဂါပွဲစဉ်မတိုင်မီ ပြောကြားခဲ့သည်။
ရော်နယ်လ်ကိုးမန်းသည် ဥက္ကဋ္ဌ ဟောင်း ဘာတိုမူလက်ထက် ပြီးခဲ့ သည့် ၂၀၂၀ နွေရာသီက ဘာစီလိုနာ အသင်းကို ကိုင်တွယ်ခဲ့သူဖြစ်ပြီး အ သင်းနှင့်အစပိုင်းမှာပင် အနာဂတ် မတည်ငြိမ်သည့်သတင်းများ ထွက်ပေါ် ခဲ့သူဖြစ်သည်။ လက်ရှိအသင်းဥက္ကဋ္ဌ ဖြစ်သူ လာပေါ်တာအနေဖြင့်လည်း အသင်း၏ အနာဂတ်နည်းပြသစ်ရာထူး အတွက် ဂျာမန်လက်ရွေးစင်အသင်း နည်းပြ ယော်ကင်လိုးနှင့် ဂန္ထဝင်ကစား သမားဟောင်းဖြစ်သူ ဇာဗီတို့အား ပစ် မှတ်ထားနေသည်ဟု စပိန်မီဒီယာများ က ဖော်ပြနေကြရာ ကိုးမန်းအနေဖြင့် ၎င်းင်း၏အနာဂတ်နှင့်ပတ်သက်ပြီး ယခု ကဲ့သို့ ဖွင့်ဟခဲ့ခြင်းဖြစ်သည်။ လက်ရှိ တွင် ကိုးမန်းသည် ဘာစီလိုနာအသင်း နှင့်အတူ စပိန်ဘုရင့်ဖလားအား ဆွတ် ခူးနိုင်ခဲ့သလို၊ လာလီဂါအမှတ်ပေးချန် ပီယံဆုအတွက်လည်း အခွင့်အရေး ကောင်းများရှိနေရာ ဘာစီလိုနာအ သင်းအနေဖြင့် ရာသီသစ်တွင် ကိုးမန်း အား နည်းပြအဖြစ် ဆက်လက်ခန့်အပ် ဖွယ်ရှိနေကြောင်းလည်း သတင်းများ ထွက်ပေါ်နေသည်။
အနာဂတ်သတင်းများနှင့်ပတ် သက်ပြီး ကိုးမန်းက ”ဥက္ကဋ္ဌသစ် (လာပေါ်တာ) ဟာ ပထမဆုံးရက်မှာ ပဲ ကျွန်တော့်အပေါ် ထောက်ခံကြောင်း နဲ့ ယုံကြည်မှုရှိကြောင်းကို ပြသခဲ့ပါ တယ်။ ကျွန်တော့်အနေနဲ့တော့ စာချုပ် သက်တမ်းရှိနေသေးတဲ့ လာမယ့်ရာ သီအထိ အသင်းမှာ ဆက်ရှိနေမယ် လို့ ယုံကြည်ပါတယ်။ ဒါဟာ ပြဿနာ တစ်ခုတော့ မဟုတ်ပါဘူး” ဟု ပြော ကြားခဲ့ သည်။ ဘာစီလိုနာအသင်းသည် ရော်နယ်လ်ကိုးမန်းအား (၂)နှစ်စာချုပ် ချုပ်ဆိုထားခြင်းဖြစ်ပြီး လာမည့် ၂၀၂၂ ဇွန်လတွင်မှ သက်တမ်းကုန်ဆုံးမည် ဖြစ်ကြောင်း သိရသည်။
