ဘာစီလိုနာတိုက်စစ်မှူး ဒီပိုင်းသည် လာမည့် ဇန်နဝါရီအပြောင်းအရွှေ့ကာလတွင် အသင်းမှ ထွက်ခွာရန် စီစဉ်နေကြောင်း စပိန်အားကစားသတင်းစာ Sport က ဖော်ပြခဲ့သည်။
အသက် (၂၈) နှစ်အရွယ်ရှိ နယ်သာလန်လက်ရွေးစင်တိုက်စစ်မှူး ဒီပိုင်းသည် ၂၀၂၁ နွေရာသီတွင် လိုင်ယွန်မှ ဘာစီလိုနာထံသို့ ပြောင်းရွှေ့ကြေးအလွတ်ဖြင့် ရောက်ရှိလာခဲ့ပြီး ပြီးခဲ့သည့် ၂၀၂၁-၂၂ ရာသီ ပြိုင်ပွဲစုံ (၁၃) ဂိုးသွင်းကာ အသင်းတွင် ဂိုးသွင်းအ များဆုံးဖြစ်ခဲ့သည်။
သို့သော် ယခုရာသီတွင် လီဝန်ဒေါစကီး ရောက်ရှိလာခြင်းကြောင့် ဒီပိုင်းမှာ ပုံမှန် ပွဲထွက်ခွင့် ပျောက်ဆုံးနေပြီး ပြိုင်ပွဲစုံ (၃) ပွဲသာကစားထားရသေးသည်။ ဒီပိုင်းသည် ယင်းအခြေအနေ ကို စိတ်ပျက်နေပြီး လာမည့်ဇန်နဝါရီတွင် အသင်း မှထွက်ခွာရန် စီစဉ်နေကြောင်း သိရှိရသည်။
လာမည့်ဇန်နဝါရီတွင် ဒီပိုင်းအား ခေါ်ယူရန် အလယ်အလတ်ကလပ်အသင်းများက စိတ်ဝင်စားနေသော်လည်း ကစားသမားကမူ ထိပ်တန်းအသင်းတစ်သင်းသို့ ပြောင်းရွှေ့လိုနေကြောင်း သိရသည်။
