လိဒ်စ်အသင်း၏ အမေရိကန်နည်းပြ ဂျက်ဆီမက်ရှ်က လက်ရှိအသင်းတွင် ကာလရှည်ဆက်ရှိသွားလိုသည်ဟု ဖွင့်ဟပြောကြားခဲ့သည်။
ဂျက်ဆီမက်ရှ်သည် ပြီးခဲ့သည့် ဖေဖော်ဝါရီလတွင် လိဒ်စ်အသင်း၏နည်းပြအဖြစ် (၃)နှစ်စာချုပ်ဖြင့် ခန့်အပ်ခံခဲ့ရသူဖြစ်ပြီး လက်ရှိအချိန်တွင် ရလဒ်ဆိုးများနှင့် ရင်ဆိုင်နေရသောကြောင့် ရာထူးမှ ထုတ်ပယ်ခံရတော့မည်ဟု ထင်ကြေးပေးခံနေရသည်။
လိဒ်စ်အသင်းသည် ပရီးမီးယားလိဂ်တွင် (၄)ပွဲဆက်ရှုံးနိမ့်ထားပြီး နောက်ဆုံး(၈)ပွဲဆက် နိုင်ပွဲမရခဲ့ပေ။
ဖူလ်ဟမ်နှင့်ပွဲအပြီး အနာဂတ်အတွက် မေးမြန်းမှုကို ဂျက်ဆီမက်ရှ်က ”အခြေအနေကို ကျွန်တော် နားလည်ပါတယ်။ ဒါပေမဲ့ ကျွန်တော် ချစ်တဲ့အသင်းမှာ ကာလရှည်ဆက်ရှိချင်ပါတယ်”ဟု ပြောကြားခဲ့သည်။
