မန်စီးတီးအသင်းသည် ပရီးမီးယားလိဂ်ကလပ် ဝုလ်ဗ်အသင်း၏ ပေါ်တူဂီလက်ရွေးစင်ကွင်းလယ်လူ မားသီးယက်စ်နူးနက်စ်အား ခေါ်ယူနိုင်ရန် နီးစပ်နေပြီဖြစ်ကြောင်း သိရှိရသည်။
မားသီးယက်စ်နူးနက်စ်သည် ပြီးခဲ့သည့်ရာသီအစကမှ ဝုလ်ဗ်အသင်းထံသို့ ပြောင်းရွှေ့လာခဲ့သူဖြစ်ပြီး ယခုအချိန်တွင် ဂွါဒီယိုလာက အသင်း၏ ကွင်းလယ်ကို အားဖြည့်ရန်အတွက် ခေါ်ယူရန် စီစဉ်လာခဲ့ခြင်းဖြစ်သည်။
မန်စီးတီးအသင်းသည် မူလက မားသီးယက်စ်နူးနက်စ်အား ကနဦးပြောင်းရွှေ့ကြေးအဖြစ် ပေါင် (၄၇)သန်းနှင့် အပိုထပ်ဆောင်းကြေးပေးချေကာ ကမ်းလှမ်းမှု ပြုလုပ်ခဲ့သော်လည်း ဝုလ်ဗ်အသင်းက ငြင်းဆန်ပယ်ချခဲ့၍ ယခုအခါ မန်စီးတီးအသင်းက အပြောင်းအရွှေ့စျေးကွက်မပိတ်မီ အပြီးသတ်ခေါ်ယူနိုင်ရန်အတွက် စျေးတိုးမြှင့်ကမ်းလှမ်းခဲ့ခြင်းဖြစ်သည်။
ဝုလ်ဗ်အသင်းသည် ယခုအချိန်တွင် ဘဏ္ဍာရေး အကျပ်အတည်းနှင့် ရင်ဆိုင်နေရသည့်အတွက် အသင်းမှ ကစားသမားအများအပြားကို ရောင်းထုတ်ထားရပြီး မန်စီးတီးအသင်း၏ ပြောင်းရွှေ့ကြေး တိုးမြှင့်ကမ်းလှမ်းမှုကိုလည်း လက်ခံရန် အသင့်ရှိနေပြီဟု သိရှိရသည်။
