အင်တာမီလန်အသင်းကို ပိုင်ဆိုင်ထားသည့် တရုတ်နိုင်ငံအခြေစိုက်၊ ဆန်းနင်းစီးပွားရေးအဖွဲ့၏ ဘဏ္ဍာရေးအခြေအနေမှာ ပိုမိုဆိုးရွားလာပြီး ၂၀၂၂ ခုနှစ်၊ စက်တင်ဘာလအထိ စာရင်းများအရ ဝင်ငွေ (၅၅)ရာခိုင်နှုန်းကျဆင်းခဲ့ကာ ယူရိုသန်း (၇၀၀) အရှုံးပေါ်ခဲ့ကြောင်း Calcio Finanza က ဖော်ပြခဲ့သည်။
ဆန်နင်းစီးပွားရေးအဖွဲ့သည် ပြီးခဲ့သည့်နှစ်အတွင်းက အင်တာမီလန်အသင်းကို ရောင်းချရန် စီစဉ်နေကြောင်း သတင်းများထွက်ပေါ်ခဲ့ပြီး အဆိုပါသတင်းများအား အင်တာမီလန်အသင်းဥက္ကဋ္ဌအဖြစ်တာဝန်ယူထားသော စတီဗင်ကျန်း (ဆန်နင်းစီးပွားရေးအဖွဲ့ဥက္ကဋ္ဌ ကျန်းယန်ဒေါင်၏ သားဖြစ်သူ)က ငြင်းဆန်ခဲ့ဖူးသည်။
သို့သော် ပြီးခဲ့သည့် အောက်တိုဘာလအတွင်းမှစတင်၍ အင်တာမီလန်အသင်းကိုရောင်းချတော့မည်သတင်းများ ပြန်လည်ထွက်ပေါ်လာပြီး အနည်းဆုံးယူရို (၁)ဘီလီယံအလိုရှိနေကြောင်း သိရသည်။ ယခုအခါ ရှန်ဇန်စတော့ရှယ်ယာစျေးကွက်မှ အချက်အလက်များအရ ဆန်နင်းစီးပွားရေးအဖွဲ့၏ ၂၀၂၂ ခုနှစ်၊ စက်တင်ဘာလအထိ ဘဏ္ဍာရေးအခြေအနေမှာ ဆိုးရွားစွာကျဆင်းခဲ့ကြောင်း သိရသည်။
ဆန်နင်းစီးပွား ရေးအဖွဲ့အစည်းသည် ဝင်ငွေယူရို (၁၁၅ .၅)သန်းရှိရာမှ ယူရို (၅၅ .၅)သန်းသို့ ကျဆင်းခဲ့ပြီး ပထမနှစ်ဝက်ဘဏ္ဍာရေးကာလအတွင်း ယန်း (၈ .၁) ဘီလီယံမှ ယန်း ၄ .၉ ဘီလီယံ (ယူရို ၁ .၁ ဘီလီယံမှ ယူရို ၆၈၅ သန်းဝန်းကျင်) အရှုံးပေါ်ခဲ့သည်။
ဆန်နင်းစီးပွားရေးအဖွဲ့ အရှုံးပေါ်မှုမှာ ပြီးခဲ့သည့်နှစ်များအတွင်း အင်တာမီလန်အသင်းကို များစွာရိုက်ခတ်ခဲ့သလို၊ အဆိုပါအခြေအနေများကြောင့် တရုတ်စူပါလိဂ်ကလပ် ကျန်းဆုဆန်နင်းအသင်းမှာလည်း ဖျက်သိမ်းခဲ့ရသည်။ အင်တာမီလန်အသင်းသည်လည်း ပြီးခဲ့သည့်ရာသီတွင် စံချိန်တင်အရှုံးပေါ်ခဲ့သလို၊ ကြွေးမြီပြဿနာများ ဖြေရှင်းရန်အတွက် အရေးပေါ်ငွေကြေးကုစားရန် ဘဏ်များမှ ချေးငွေများထပ်မံရယူခဲ့ရသည်။
ဆန်နင်းစီးပွားရေးအဖွဲ့နှင့် အင်တာမီလန်
■ နန့်ကျန်းအခြေစိုက်၊ ဆန်နင်းစီးပွားရေးအဖွဲ့သည် ၂၀၁၆ ခုနှစ်တွင်၊ အင်တာမီလန်အသင်း၏ ရှယ်ယာ (၇၀)ရာခိုင်နှုန်းကို ယူရိုသန်း (၂၇၀)ဝန်းကျင်ဖြင့် ဝယ်ယူ။
■ အင်တာမီလန်အသင်း၏ အသုံးစရိတ်နှင့် ဝင်ငွေပြန် လည်ရရှိမှုလည်ပတ်ပုံသည် ပြီးခဲ့သည့် (၂)ရာသီအတွင်း မှစတင်၍ ယိမ်းယိုင်လာ။
■ ကိုဗစ်ကပ်ဘေးကြောင့် ဆန်နင်းစီးပွားရေးအဖွဲ့ စီးပွား ရေးကျဆင်းလာချိန်တွင် အင်တာမီလန်အသင်း၏ ဘဏ္ဍာ ရေးအခြေအနေလည်း ထပ်မံယိမ်းယိုင်လာ။
■ အမေရိကန်အခြေစိုက် Oaktree ထံမှ တင်းကျပ်သော စည်းမျဉ်းများ (ဥပမာ – ချေးငွေအချိန်မီပြန်လည်မပေးနိုင်ပါက အသင်းကို ထိန်းချုပ်ခွင့်ရမည်) ဖြင့် ယူရို (၂၇၅) သန်းရယူထားပြီး အဆိုပါအခြေအနေများကြောင့် ဝန်ထုပ်ဝန်ပိုး ပိုဖြစ်လာ။
ရာခိုင်နှုန်းကျဆင်းခဲ့ကာ ယူရိုသန်း (၇၀၀) အရှုံးပေါ်ခဲ့ကြောင်း Calcio Finanza က ဖော်ပြခဲ့သည်။){kind=link}