ဘောလုံးဝေဖန်သူအဖြစ် ဆောင်ရွက်နေသည့် မန်ယူနောက်ခံလူဟောင်း ဖာဒီနန်က ချယ်လ်ဆီးတိုက်စစ်ကစားသမား စတာလင်အား အင်္ဂလန်လက်ရွေးစင်အသင်းမှ အနားယူရန်တိုက်တွန်းခဲ့သည်။
အင်္ဂလန်နည်းပြ ဆောက်ဂိတ်သည် ယူရို-၂၀၂၄ ခြေစစ်ပွဲအတွက် အသင်းလူစာရင်းကို ထုတ်ပြန်ရာတွင် ချယ်လ်ဆီး၌ ခြေစွမ်းပြနေသည့် စတာလင်ကို ချန်လှပ်ခဲ့ပြီး ဒဏ်ရာကြောင့် ဂရီးလစ်ရှ်နုတ် ထွက်ချိန်တွင်လည်း စတာလင်ကို အစားခေါ်ယူခဲ့ခြင်းမရှိပေ။
ယင်းအခြေအနေတွင် ဖာဒီနန်က “မက်ဂွိုင်းရား၊ ကယ်လ်ဗင်ဖီးလစ်တို့လို ကစားသမားတွေကိုရွေးပြီး စတာလင်ကို မရွေးတာက တမင်တကာ လုပ်သလိုပါပဲ။ ကျွန်တော်သာ သူဆိုရင် အနားယူပစ်မှာပါ”ဟု ပြောကြားခဲ့သည်။
