အီရန်လက်ရွေးစင်အသင်း ကွင်းလယ်လူ ဂျာဟန်းဘက်ရှ်က အင်္ဂလိပ်မီဒီယာများ အနေဖြင့် မိမိတို့အသင်းကို မတည်မငြိမ်ဖြစ်အောင် ပြုလုပ်နေကြောင်း ဝေဖန်ပြောကြားခဲ့သည်။
အီရန်နိုင်ငံ၌ အသက် ၂၂ နှစ်အရွယ် အမျိုးသမီးတစ်ဦး ခေါင်းဆောင်းပဝါမဝတ်သဖြင့် ဖမ်းဆီးခံရစဉ် စက်တင်ဘာလအတွင်း အချုပ်ခန်း၌ သေဆုံးသွားသဖြင့် ဆန္ဒပြမှုများ ဖြစ်ပွားနေပြီး အနည်းဆုံး ၃၄၈ ဦးသေဆုံးကာ ၁၅၀၀၀ ကျော် ဖမ်းဆီးခံထားရသည်။
အဆိုပါ ဆန္ဒပြပွဲများက အီရန်အသင်းကို သက်ရောက်မှုရှိသလားဟု မေးမြန်းမှုအပေါ် ဂျာဟန်းဘက်ရှ်က “ခင်ဗျား ဒီမေးခွန်းမေးလို့ ကျွန်တော်မအံ့သြပါဘူး။ ခင်ဗျားက အင်္ဂလိပ်မီဒီယာက ထင်တယ်။ အင်္ဂလိပ်မီဒီယာတွေက စိတ်ပိုင်းဆိုင်ရာကစားပွဲ လုပ်နေတာပါ” ဟု တုံ့ပြန်ဖြေကြားခဲ့သည်။
