ပြီးခဲ့သည့်ရက်ပိုင်းက ကစားသမားဘဝမှ အနားယူခဲ့သည့် ပြင်သစ်ဝါရင့် တောင်ပံကစားသမားဟောင်း ရီဘာရီသည် နည်းပြလောကသို့ အလျင်အမြန်ဝင်ရောက်ဖွယ်ရှိကြောင်း သိရသည်။
ဆလာနီတာနာအသင်းနည်းပြ နီကိုလာက ရီဘာရီသည် သူ၏နည်းပြအဖွဲ့ဝင်အဖြစ် အသင်းတွင် ဆက်ရှိမည်ဖြစ်ပြီး နည်းပြလိုင်စင်များ ရရှိရန် ကြိုးပမ်းသွားမည်ဖြစ်ကြောင်း ပြောကြားခဲ့သည်။
ရီဘာရီသည် ကစားသမားဘဝမှ အနားယူကြောင်း ကြေညာချိန်တွင် အသက်(၃၉)နှစ်ရှိပြီဖြစ်ပြီး ဒူးဒဏ်ရာဖြင့် ရုန်းကန်နေရခြင်းကြောင့် ကစားသမားဘဝမှ အနားယူခဲ့ခြင်းဖြစ်ကြောင်း သိရသည်။
ရီဘာရီသည် ၂၀၂၁ စက်တင်ဘာတွင် ဆလာနီတာနာအသင်းသို့ ပြောင်းရွှေ့ခဲ့ပြီး အသင်းခေါင်းဆောင်အဖြစ် ခန့်အပ်ခံခဲ့ရသည်။
သို့သော် ၎င်းသည် ဒူးဒဏ်ရာကြောင့် ယခုရာသီတွင် ဆလာနီတာနာအသင်းအတွက် တစ်ပွဲသာ ပါဝင်ကစားထားသေးပြီး ဒဏ်ရာကြောင့် ကစားသမားဘဝ ရှေ့ဆက်ရန် မဖြစ်နိုင်တော့သဖြင့် အနားယူခဲ့ခြင်းဖြစ်သည်။
